પીઠના દુઃખાવાથી કંટાળી ૭૦ વર્ષના રતનબેને ફિનાઇલ પીધું

રાજકોટ તા. ૨૯: આજીડેમ ચોકડી પાસે ભારતનરગ-૬માં રહેતાં રતનબેન હરેશભાઇ અગ્રાવત (ઉ.વ.૭૦) નામના બાવાજી વૃધ્‍ધાએ સાંજે ફિનાઇલ પી લેતાં સિવિલ હોસ્‍પિટલમાં દાખલ કરવામાં આવતાં થોરાળા પોલીસને જાણ કરવામાં આવી હતી.

રતનબેનને સંતાનમાં ત્રણ પુત્રી અને એક પુત્ર છે. રતનબેને કહ્યું હતું કે પોતાને પીઠમાં સતત દુઃખાવો થતો હોઇ દવા સારવાર કરાવવા છતાં ફરક પડતો ન હોવાથી કંટાળીને ફિનાઇલ પી લીધું હતું.