Gujarati News

Gujarati News

News of Monday, 1st March 2021

ધોરાજી તાલુકા પંચાયતમાં ૬૦.૯૧ ટકા : રાજકોટ જિલ્લા પંચાયતની ધોરાજી અને જામકંડોરણાની ૪ સીટ ઉપર ૫૯.૧૯ ટકા મતદાન

જામકંડોરણાના રોઘેલ ગામે ઇવીએમ મશીન બગડ્યું : તાલુકા પંચાયતની ચૂંટણીમાં છ ફરિયાદો

ધોરાજી,તા. ૧: ધોરાજી જામકંડોરણા તાલુકા પંચાયત તેમજ જિલ્લા પંચાયતની કુલ ૪ સીટનું મતદાન શાંતિપૂર્ણ થતા જિલ્લા પંચાયતની ચાર શીટ ઉપર ૫૯.૧૬ ટકા છે. ધોરાજી તાલુકા પંચાયતની કુલ ૧૫ સીટ ઉપર ૬૦. ૯૧ ટકા તેમજ જામકંડોરણા તાલુકા પંચાયતમાં ૬૧.૦૮ ટકા મતદાન નોંધાયું છે.

શાંતિપૂર્ણ મતદાન થયું હતું તેમજ જામકંડોરણા તાલુકાના રોઘેલ ગામે ઇવીએમ મશીનમાં ખોટકો આવ્યો હતો તે તાત્કાલિક અસરથી બદલાવવામાં આવેલ હતું.

જયારે ધોરાજીના વિવિધ ગામોમાં છ પ્રકારની ફરિયાદો ડેપ્યુટી કલેકટર કચેરી ખાતે આવેલી હતી જેમાં લાંબી લાઈનો મતદાન મથક આજુબાજુમાં ટોળા વિગેરે સામાન્ય ફરિયાદો આવી હતી.

આવતીકાલે મંગળવારે નવી ભગવતસિંહજી હાઈસ્કુલ ખાતે ધોરાજી તાલુકા પંચાયત જામકંડોરણા તાલુકા પંચાયત અને જિલ્લા પંચાયતની ૪ સીટ માટે મત ગણતરી થશે.

હાલમાં તમામ મતદાન મથકો ઉપર થી ઇવીએમ મશીન સાથે કર્મચારીઓ ધોરાજી આવી રહ્યા છે જે મોડી રાત સુધી વ્યવસ્થાની કાર્યવાહી થશે અને નવી ભગવતસિંહજી હાઈસ્કુલ માં સ્ટ્રોંગ રૂમમાં ચાપતો બંદોબસ્તમાં ઇવીએમ મશીન રાખવામાં આવશે.

(12:20 pm IST)
  • ત્રણ રાજ્યોમાં આજથી નવા ચીફ સેક્રેટરી કાર્યરત બન્યા છે. મહારાષ્ટ્રના ચીફ સેક્રેટરી તરીકે સીતારામ કુંતે, બિહારના ચીફ સેક્રેટરી તરીકે અરુણ કુમાર સિંઘ અને કેરાળાના મુખ્ય સચિવ તરીકે ડોક્ટર વી પી જોય એ ચાર્જ સંભાળી લીધો છે. પ્રથમ બે અધિકારીઓ ૧૯૮૫ની બેચના છે જ્યારે ડો. જોય ૧૯૮૭ની બેચના છે. access_time 7:42 pm IST

  • મહારાષ્ટ્રમાં આજે સવારે પણ ૮૨૯૩ નવા કેસ નોંધાયા, તો કેરળમાં ૩૨૫૪ કેસ સાથે આ બે રાજ્યોમાં ૧૧૫૦૦ થી વધુ કોરોના કેસ નોંધાયા છે: પુણેમાં ફરી હાહાકાર મચ્યો છે, ૧૧૮૫ નવા કેસ: મુંબઈમાં ૧૦૫૧ અને નાગપુર ૯૯૪ તથા અમરાવતી માં ૮૬૨ નવા કોરોના કેસ નોંધાયા: ગુજરાતમાં આજે સવાર સુધીમાં ૪૦૭ નવા કોરોના કેસ નોંધાયા છે: ભારતમાં આજ સવાર સુધીમાં કુલ ૧૫૫૦૦ નવા કોવિડ-૧૯ના કેસ નોંધાયા access_time 12:25 pm IST

  • જૂનાગઢનો મહાશિવરાત્રીનો મેળો રદ્દ : ૭ માર્ચથી શરૂ થનાર મહાશિવરાત્રીનો મેળો કોરોના સંકટને કારણે કલેકટરે બેઠક યોજી મેળો રદ્દ કરવાનું નક્કી કર્યુ access_time 5:06 pm IST