Gujarati News

Gujarati News

News of Friday, 2nd October 2020

ગોંડલ - અમરેલી અને કચ્છમાં ભૂકંપના આંચકા

તીવ્રતા ઓછી : સતત હળવા આંચકા યથાવત : લોકોમાં ચિંતા

રાજકોટ તા. ૨ : રાજકોટ સહિત સૌરાષ્ટ્ર-કચ્છમાં છેલ્લા ઘણા દિવસોથી ભૂકંપના હળવા આંચકા અનુભવાઈ રહ્યા છે. કાલે રાત્રીથી આજે સવાર સુધીમાં ગોંડલ - અમરેલી અને કચ્છમાં ભૂકંપના હળવા આંચકા અનુભવાયા હતા.

ગાંધીનગર સ્થિત સિસ્મોગ્રાફી સેન્ટરના અહેવાલમાં જણાવાયું છે કે, કાલે રાત્રિના ૧.૧૮ વાગ્યે અમરેલીમાં ભૂકંપનો આંચકો અનુભવાયો હતો જેની તીવ્રતા ૧ ની હતી. જેનું કેન્દ્ર બિંદુ અમરેલી થી ૩૫ કિલોમીટર દૂર દક્ષિણ દિશા તરફ હતું.

ત્યારબાદ રાત્રિના ૩.૨૨ વાગ્યે કચ્છના ધોળાવીરામાં ૨ .૦ ની તીવ્રતાનો ભૂકંપનો આંચકો અનુભવાયો હતો જેનું કેન્દ્ર બિંદુ ધોળાવીરાથી ૧૮ કિલોમીટર દૂર પૂર્વ દિશા તરફ હતું.

આ ઉપરાંત આજે વહેલી સવારે ૪.૦૫ વાગ્યે રાજકોટ જિલ્લાના ગોંડલમાં ભૂકંપનો આંચકો અનુભવાયો હતો. જેનું કેન્દ્ર બિંદુ ગોંડલ થી ૧૯ કિલોમીટર દૂર પશ્યિમ દિશા તરફ હતું.

આવી રીતે છેલ્લા કેટલાક દિવસોથી રાજકોટ સહિત સૌરાષ્ટ્ર-કચ્છમાં ભૂકંપના આંચકા અનુભવાઈ રહ્યા છે. જો કે કાલે રાત્રિના અને સવારે આવેલા ભૂકંપના આંચકાની તીવ્રતા ઓછી હોવાથી લોકોએ રાહતનો શ્વાસ લીધો છે.

(11:28 am IST)
  • દેશમાં સૌથી વધુ કોરોનાથી અસરગ્રસ્ત ૫ રાજયો (રીકવરી, મૃત્યુ અને એકટીવ કેસ સાથે) :(૧) મહારાષ્ટ્ર - ૧૪,૦૦,૯૨૨ (૨) આંધ્ર - ૭,૦૦,૨૩૫ (૩) તામિલનાડુ - ૬,૧૧,૮૩૭ (૪) કર્ણાટક - ૬,૦૩,૨૯૦ (૫) ઉત્તરપ્રદેશ - ૪,૦૩,૧૦૧ access_time 11:24 am IST

  • ડોનાલ્ડ ટ્રમ્પ તથા મેલાનિયા ટ્રમ્પ જલ્દી સાજા થઇ જાય તેવી શુભેચ્છા : કોવિદ -19 સંક્રમિત ટ્રમ્પ દંપત્તિને તેમના પ્રતિસ્પર્ધી ડેમોક્રેટ ઉમેદવાર જો બિડન તથા પત્ની જિલ એ શુભેચ્છા પાઠવી : તમારી તંદુરસ્તી માટે અમે પ્રાર્થના ચાલુ રાખશું access_time 7:15 pm IST

  • પત્રકારોના અધિકારોની રક્ષા માટે પાકિસ્તાનમાં 7 સભ્યોની કમિટીની રચના : સરકાર મીડિયાની અભિવ્યક્તિની આઝાદી ઉપર તરાપ મારી રહી હોવાનો આક્ષેપ : પત્રકારોની સુરક્ષા માટે પાકિસ્તાન બાર કાઉન્સિલ લડત આપશે access_time 8:09 pm IST