Gujarati News

Gujarati News

News of Friday, 2nd October 2020

અમરાપુર - હાથસણી - દેવધરીનો રસ્તો પહોળો કરાશે : કુંવરજીભાઇ

વિંછીયાના હાથસણી અને મોટી લાખાવડ ગામે ગ્રામ્ય રસ્તા અને પિક-અપ સ્ટેન્ડનું ખાતમુહૂર્ત

(વિજય વસાણી) આટકોટ તા. ૨ : પાણી પુરવઠા અને પશુપાલન વિભાગના મંત્રી કુંવરજીભાઇ બાવળિયાના હસ્તે રાજકોટ જિલ્લાના વીંછીયાના હાથસણી અને મોટી લાખાવડ ગામે ગ્રામ્ય રસ્તાઓનું અને પિક-અપ સ્ટેન્ડનું ખાતમુહૂર્ત કરવામાં આવ્યું હતું. મંત્રીશ્રીએ હાથસણીમાં ધારાસભ્યશ્રીની ગ્રાન્ટમાંથી થનાર વિકાસકાર્ય પિક-અપ સ્ટેન્ડ રૂ. ૨.૫૦ લાખ અને ૧૪માં નાણાંપંચમાંથી રૂ. ૪.૫૦ લાખના ખર્ચે બનનારા પેવર બ્લોક રસ્તાના કામનું તેમજ મોટી લાખાવડ ગામે રૂ. ૧૯.૬૮ લાખના ખર્ચે બનનારા સી.સી.રોડ સુવિધાપથનું ખાતમુહૂર્ત કર્યું હતું.

હાથસણી ખાતે મંત્રી કુંવરજીભાઇ બાવળિયાએ જણાવ્યું હતું કે, 'કોરોનાના સંક્રમણ વચ્ચે પણ રાજય સરકારે વિકાસના કામો અટકવા દીધા નથી. ખેડૂતો માટે રાહત પેકેજ પણ આપ્યું છે. ખેડૂતોને નુકસાની અંગે ફોર્મ ભરવા અનુરોધ કર્યો હતો. સરકાર ગ્રામ્ય વિસ્તારમાં શહેરો જેવી સુવિધા ઉભી કરી રહી છે. અમરાપુર, હાથસણી,દેવધરીનો રસ્તો પહોળો કરાશે. જરૂરિયાત મુજબ નદીઓ પર પુલો બનાવાશે. મંત્રીશ્રીએ મહિલા ઉત્કર્ષ યોજનાનો લાભ લઇ ૧૦ બહેનોના ગ્રુપ બનાવી આ યોજનાનો લાભ લઇ આત્મનિર્ભર બનવા તેમજ પ્રાકૃતિક ખેતી અપનાવવા અને સાત પગલાં કલ્યાણ યોજનાના વિવિધ લાભોની માહિતી આપી હાલના કોરોનાના સમયમાં સાવચેત રહેવા અને જાગૃત રહેવા અનુરોધ કર્યો હતો.

હાથસણી ખાતેનાં કાર્યક્રમમાં સરપંચ કાળુભાઈ ધોરીયા, ઉપસરપંચ જીતુભાઇ, પ્રવીણભાઈ તેમજ મોટી લાખાવડ ખાતે અગ્રણીશ્રી અશ્વિનભાઈ સાંકળીયા, તાલુકા પંચાયત સભ્યશ્રી નયનભાઈ, અંજનભાઈ, નાથાભાઇ વાસણ, લાખાભાઈ, નાયબ કાર્યપાલ ઇજનેરશ્રી એચ.બી.ડાંગર, મામલતદારશ્રી, ટીડીઓશ્રી વગેરે ઉપસ્થિત રહ્યા હતા.

(11:31 am IST)
  • પંજાબમાં રાત્રી કર્ફ્યુ તથા રવિવાર માટે લોકડાઉનમાંથી મુક્તિ : અનલોક 5 અંતર્ગત ચીફ મિનિસ્ટર કેપટન અમરિન્દર સિંઘની ઘોષણાં : માસ્ક પહેરવા સહીત અન્ય સુરક્ષા નિયમોનું ચોક્કસપણે પાલન થાય તે જોવા ડીજીપી ને સૂચના આપી access_time 8:00 pm IST

  • દેશમાં સૌથી વધુ કોરોનાથી અસરગ્રસ્ત ૫ રાજયો (રીકવરી, મૃત્યુ અને એકટીવ કેસ સાથે) :(૧) મહારાષ્ટ્ર - ૧૪,૦૦,૯૨૨ (૨) આંધ્ર - ૭,૦૦,૨૩૫ (૩) તામિલનાડુ - ૬,૧૧,૮૩૭ (૪) કર્ણાટક - ૬,૦૩,૨૯૦ (૫) ઉત્તરપ્રદેશ - ૪,૦૩,૧૦૧ access_time 11:24 am IST

  • એમેઝોનના ૨૦ હજાર કર્મચારીઓને કોરોના વળગ્યો :એમેઝોનના ૨૦ હજાર કર્મચારીઓને કોરોના પોઝીટીવ આવ્યાનું એમેઝોને જાહેર કર્યુ છે access_time 11:24 am IST