Gujarati News

Gujarati News

News of Thursday, 3rd September 2020

ચોટીલામાં ટ્રાન્સફરમર લગાવેલા પોલને જાળીથી સુરક્ષીત કરવા માંગણી

આ પોલ પર મુંગા પશુઓ શીંગડા ભરાવતા હોય શોક લાગવાનો ભય રહે છે

વઢવાણ તા.૩ : ચોટીલા નગરપાલીકાના પુર્વ ઉપપ્રમુખ હરેશભાઇ ચૌહાણ પીજીવીસીએલના અધિકારીને એક પત્ર પાઠવી ચોટીલાની પંચનાથ સોસાયટીમાં પીજીવીસીએલ પોલ પર સબસ્ટેશન છે પરંતુ આ પોલને લોખંડને બોકસ ઝાળીથી ફીટ કરેલ ન હોય સતત અકસ્માતનો ભય રહે છે.

પત્રમાં વધુમાં જણાવેલ છે કે પંચનાથ સોસાયટીના કોમન પ્લોટમાં નવુ ટ્રાન્સફોર્મર છેલ્લો પ થી ૬ મહિના પહેલા પીજીવીસીએલ ચોટીલા દ્વારા નખાયેલ છે. જયા અવારનવાર અબોલ નિરાધાર ગાય, વાછરડા, ભેંસ, મુંગા પશુઓ વારંવાર ત્યા શીંગડા ભરાવે છે જેના લીધે થોડા દિવસો પહેલા જ એક ખુંટને શોર્ટ આવેલ અને પડી ગયેલ અને આ ટ્રાન્સફોર્મર પોલ બાજુમાં માનવવસ્તી આવેલ છે નાના બાળકો ત્યા રમતા હોય છે જેથી જોખમ પુરેપુરૂ રહે છે.

આ વિસ્તારના નાગરીકો અને અબોલ જાનવરોના હિતમાં તાત્કાલીક યુધ્ધના ધોરણે જાળી સેફટી માટે ફીટ કરવા માંગણી કરેલ છે.

(11:29 am IST)
  • ઇન્ડિયન પ્રીમિયર લીગ (IPL) ને શરૂ થવામાં હવે ફક્ત 15 દિવસનો સમય બાકી રહી ગયો છે. પરંતુ ફટાફટ ક્રિકેટના મહાકુંભના શિડ્યૂલને હજુ રિલીઝ કરવામાં આવ્યું નથી. આ દરમિયાન ભારતીય ક્રિકેટ કંટ્રોલ બોર્ડ BCCI અધ્યક્ષ સૌરવ ગાંગુલી એ આઇપીએલ 2020નું શિડ્યૂલને લઇને અંતિમ ચુપ્પી તોડી દીધી છે. તાજેતરમાં દાદાએ જણાવ્યું હતું કે આગામી આઇપીએલ સીઝન 13નું ફૂલ શિડ્યૂલ 4 સપ્ટેમ્બર 2020 એટલે કે શુક્રવારે જાહેર થાશે. access_time 1:41 am IST

  • ૨૪ કલાકમાં દેશમાં સૌથી વધુ ૮૩૮૮૩ કોરોના કેસ મૃત્યુઃ- ૧૦૪૩ સાજાઃ- ૬૮૫૮૪: અમેરિકામાં ૨૪ કલાકમાં કોરોના કેસ ૪૧૨૧૧ થયાઃ કુલ કેસ :- ૩૮,૫૩,૪૦૭: એકટીવ :- ૮,૧૫,૫૩૮: સાજા થયા :- ૨૯,૭૦,૪૯૩: કુલ મૃત્યુ :- ૬૭૩૭૬: ગઈકાલના ટેસ્ટ :-૧૧,૭૨,૧૭૯: કુલ કોરોના ટેસ્ટ :- ૪,૫૫,૯,૩૮૦ access_time 11:51 am IST

  • પશ્ચિમ બંગાળના મુર્શિદાબાદમાં આવેલા મહાકાળી મંદિરમાં મુસ્લિમોએ આગ લગાડયાના સમાચાર ગેરમાર્ગે દોરનારા : ભાજપ સાંસદ અર્જુન સિંઘે ટ્વીટર ઉપર ફોટો મુક્યો હતો : આગ મુસ્લિમોએ નહીં લગાડયાની મંદિર કમિટી તથા પોલીસ ડિપાર્ટમેન્ટની ચોખવટ : મંદિરમાં પ્રજ્વલિત દીપને કારણે આગ લાગી હોવાનું અનુમાન access_time 7:56 pm IST