Gujarati News

દેવભૂમિ દ્વારકા તા. ૩ : મુખ્ય જિલ્લા પોલીસ અધિક્ષકશ્રીની એક અખબારી યાદીમાં જણાવ્યા પ્રમાણે નોવેલ કોરોના વાયરસ કોવિડ - ૧૯ ના સંક્રમણને અટકાવવા માટે કેન્દ્ર સરકારશ્રીની સૂચના અનુસાર દેવભૂમિ દ્વારકા જિલ્લામાં લોકોને સોશિયલ ડિસ્ટન્સીંગ રાખવા, વાહન/મુસાફરી સમયે તથા આવશ્યક પુછપરછના સમયે અને અન્ય વ્યકિત સાથે વાતચીત કરવા સમયે ચહેરા પર માસ્ક/કપડું પહેરવાના નિયમનું ચૂસ્તપણે અમલ થાય તેની તકેદારી રાખવા માટેની સૂચનાઓ જિલ્લા વિકાસ અધિકારીશ્રી દ્વારા આપવામાં આવી હતી.

દેવભૂમિ દ્વારકા જિલ્લામાં નોવેલ કોરોના વાયરસ કોવિડ - ૧૯ના સંક્રમણને વધતું અટકાવવા માટે જિલ્લાના તમામ તાલુકા વિકાસ અધિકારીશ્રીઓને દરેક ગ્રામ્ય વિસ્તારમાં સરકારશ્રીની સૂચના અન્વયે માસ્ક પહેરવાના નિયમનું પાલન થાય તેની ખાસ તકેદારી રાખવા માટે પણ જણાવાયું હતું.

 જે અન્વયે દેવભૂમિ દ્વારકા જિલ્લામાં માસ્ક પહેરવાના નિયમના ઉલ્લંઘન બદલ નવેમ્બર – ૨૦૨૧ માસ દરમ્યાન ૫૯ લોકો પાસેથી માસ્ક ન પહેરવાના ગુનાના દંડ પેટે રૂપિયા ૫૯,૦૦૦ જયારે અત્યાર સુધીમાં જિલ્લામાં કૂલ ૨૭,૨૨૯ લોકો પાસેથી રૂપિયા ૨,૧૦,૯૪,૮૦૦ જેટલી રકમ દંડ પેટે વસૂલવામાં આવી છે તેમ વધુમાં જણાવાયું છે.