Gujarati News

Gujarati News

News of Saturday, 4th February 2023

મોરબી જિલ્લા પોલીસ પરિવાર માટે ક્રિકેટ ટુર્નામેન્ટનું આયોજન

જિલ્લાના તમામ પોલીસ સ્ટેશન અને પોલીસ શાખાઓની 12 ટિમો વચ્ચે ખેલાશે ક્રિકેટ જંગ

 મોરબી જિલ્લા પોલીસ પરિવાર વચ્ચે ક્રિકેટ ટુર્નામેન્ટનું આયોજન કરવામાં આવ્યું છે. જેમાં મોરબી જિલ્લાની એ, બી ડિવિઝન એસઓજી, એલસીબી સહિતની તમામ શાખાની 12 પોલીસની ટિમો વચ્ચે ક્રિકેટ જંગ ખેલાશે.

મોરબી જિલ્લા પોલીસ પરિવાર દ્વારા મોરબી જિલ્લાના તમામ પોલીસ સ્ટેનશન અધિકારીઓ અને કર્મચારીઓ માટે એક ભારત, શ્રેષ્ઠ ભારતના નેજા હેઠળ મોરબીના નાની વાવડી ગામે આવેલા ક્રિકેટ મેદાનમાં તા.4 અને 5 ફ્રેબ્રુઆરીએ ક્રિકેટ ટુર્નામેન્ટનું આયોજન કરવામાં આવ્યું છે. ગુનાહિત પ્રવૃત્તિઓ ઉપર અંકુશ લાવવા માટે સતત દોડધામભરી અને તણાવભરી જીવનશૈલી જીવતા પોલીસ સ્ટાફ માટે મનથી હળવાશભર્યું વાતાવરણ અને પરસ્પર મૈત્રીની ભાવના કેળવાય તે માટે આ ક્રિકેટ ટુર્નામેન્ટનું આયોજન કરાયું છે.  

 આ ક્રિકેટ ટુર્નામેન્ટમાં મોરબી એ ડિવિઝન, બી ડિવિઝન, એસઓજી, એલસીબી તાલુકા સહિતના જિલ્લાના તમામ પોલીસ સ્ટેશનની 12 ટિમો ટકરાશે. આજે સવારથી જ આ ક્રિકેટ ટુર્નામેન્ટનો પ્રારંભ થયો હતો. જેમાં એસપી અને ડીવાયએસપી સહિતના અધિકારીઓ ઉપસ્થિત રહ્યા હતા. આજે પોલીસની 11 ટિમો વચ્ચે ટેનિસ ક્રિકેટ જંગ ખેલાયા બાદ આવતીકાલે ફાયનલ ક્રિકેટ જંગ ખેલાશે.

   
(12:09 am IST)