Gujarati News

Gujarati News

News of Friday, 4th December 2020

મોરબી પાસે થતા નેશનલ હાઇવેના સર્વિસ રોડમાં મસમોટા ગાબડા : વાહન ચાલકો પરેશાન

 (પ્રવિણ વ્યાસ દ્વારા)મોરબી,તા. ૪:  સિરામિક ઉદ્યોગ મોરબી નજીકથી પસાર થતા નેશનલ હાઇવે પર વિકાસ પામ્યો છે મોરબીથી વાંકાનેર જતા નેશનલ હાઈવે પર અનેક ફેકટરીઓ કાર્યરત છે અને સિરામિક ટ્રેડના હાર્ટ સમાન મોરબી સિરામિક એસોની ઓફીસ પણ લાલપર નજીક આવેલ છે જયાં હાઈવે પરના સર્વિસ રોડની હાલત અતિ દયનીય છે સર્વિસ રોડ પર દોઢ થી બે ફૂટના મસમોટા ગાબડા જોવા મળે છે એટલું જ નહિ ગાબડામાં ગંદા પાણી ભરેલા રહે છે જેથી બાઈક સવારો તો નીકળી જ સકતા નથી તો ફોર વ્હીલ અને ટ્રક પણ મહા મુસીબતે પસાર થાય છે રાત્રીના અંધકારમાં તો અનેક લોકો અહી ખાબકતા પણ હોય છે અને નાના મોટા અકસ્માતો સર્જાતા રહે છે.

મોરબી જીલ્લા ટ્રાફિક ટ્રસ્ટની મીટીંગમાં પણ જીલ્લા એસપીની ઉપસ્થિતિ માં નેશનલ હાઈવે અધિકારી સમક્ષ સર્વિસ રોડનો મુદો ઉઠાવ્યો હતો છતાં સર્વિસ રોડ રીપેરીંગ કરવામાં કોન્ટ્રાકટર મનમાની કરતા હોય તેવો દ્યાટ સર્જાઈ ર્હોય છે જેથી મોરબી સિરામિક એસો દ્વારા ગંભીર બેદરકારીને પણ વખોડવામાં આવી છે.

(11:27 am IST)
  • દિલ્હીમાં સીબીઆઈના દરોડા:દિલ્હીમાં જય પોલીકેમ ઇન્ડિયા લિમિટેડ કંપની ઉપર સીબીઆઈએ મોટાપાયે દરોડા પાડ્યા છે. access_time 11:57 pm IST

  • સાહિત્યકાર ઝવેરચંદ મેઘાણીના પુત્ર જયંત મેઘાણીનું દુઃખદ નિધન : જાણીતા સાહિત્યકાર ઝવેરચંદ મેઘાણીના પુત્ર જયંત મેઘાણીનું આજે ભાવનગર મુકામે દુઃખદ નિધન થયુ છે : તેઓ ૮૩ વર્ષના હતા : કોમ્પ્યુટર ઉપર કામ કરી રહ્યા હતા ત્યારે અંતિમ શ્વાસ લીધા access_time 3:20 pm IST

  • દેશમાં કોરોનાના કેસનો આંકડો 96 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 -30 વાગ્યા સુધીમાં કોરોનાના નવા 35,002 કેસ નોંધાયા:કુલ કેસની સંખ્યા 96,06,810 થઇ :એક્ટીવ કેસ 4,08,122 થયા : વધુ 40,966 દર્દીઓ સ્વસ્થ થતા કુલ 90, 56,68 રિકવર થયા :વધુ 473 ના મોત સાથે કુલ મૃત્યુઆંક 1,39,700 થયો access_time 12:02 am IST