Gujarati News

સાયલા સીમ વિસ્તારમાં આવેલ એક વાડીમાં કામ કરતાં યુવક ભૈયાલાલ છગનભાઈ મોડીરાત્રે કુદરતી હાજતે જઈ રહ્યો હતો તે દરમ્યાન રાત્રીના અંધારામાં યુવકનો અચાનક પગ લપસતાં વાડીમાં આવેલ કુવામાં પડી ગયો હતો જ્યારે સવારે યુવકની શોધખોળ હાથધરતાં કોઈ જ પત્તો લાગ્યો નહોતો અને કુવામાં જોતા યુવકની લાશ મૃત હાલતમાં તરતી જોવા મળી હતી.

આથી ગ્રામજનોએ આ અંગે સાયલા પોલીસને જાણ કરતા ઘટના સ્થળે આવી પહોંચી હતી અને વધુ તપાસ હાથધરી હતી. તેમજ મૃતક યુવકની લાશને કુવામાંથી બહાર કાઢી સાયલા સરકારી હોસ્પીટલ ખાતે પીએમ અર્થે મોકલવામાં આવી હતી જ્યારે યુવકના મોતથી પરિવારજનો સહિત સમસ્ત ગામમાં શોકની લાગણી ફેલાઈ જવા પામી હતી.