Gujarati News

Gujarati News

News of Tuesday, 4th May 2021

કચ્છમાં હજી સારવારનું ઠેકાણુ પડયું નથી ત્યાં રસીની રાડ : રસી વગર લોકો પાછા ગયા

કોરોનાએ આપત્તિ વ્યવસ્થાપનની અધુરાશોની પોલ ખોલી : સરકારની નવી નવી જાહેરાતો વચ્ચે તંત્ર અને નેતાઓ વામણા

(વિનોદ ગાલા દ્વારા) ભુજ તા. ૪ : કોરોનાની મહામારીએ લોકોને મુશ્કેલીમાં મૂકયા છે, આપત્તિના આ સમયમાં એક બાજુ સરકાર સતત નવી નવી જાહેરાતો કરે છે, પણ લોકોની મુશ્કેલી હળવી કરવામાં તંત્ર અને નેતાઓ વામણા સાબિત થઈ રહ્યા છે.

કચ્છમાં કોરોનાની સારવાર બાબતે સરકારે મોટી મોટી જાહેરાતો કર્યા પછી તંત્ર હાંફી ગયું અને હવે સરકારે યુવાનો માટેના રસીકરણમાં કરેલી મોટી મોટી જાહેરાતો પછી ફરી તંત્ર હાંફી ગયું છે. ભુજમાં રસીકરણ માટેના ચાલુ તમામ કેન્દ્રો બંધ કરી દેવાતાં રસી લેવા માટે પહોંચેલા લોકોને ધક્કો પડ્યો હતો. એકાદ બે જગ્યાએ માત્ર નવા રજીસ્ટ્રેશન કરેલા યુવાવર્ગ માટે જ રસીકરણ ચાલુ હતું.

અગાઉ ૪૫ વર્ષથી વધુ ઉંમરના દર્દીઓ માટે બીજો ડોઝ લેવો શકય બન્યો નહતો હવે જયારે રસી મળે ત્યારે ફરી બીજો ડોઝ અપાશે. કચ્છની ઉપલબ્ધ રસીનો જથ્થો અમદાવાદ મોકલી દેવાયો હતો. જોકે, કચ્છમાં લોકોની ભારે બૂમરાણ બાદ હજી કોરોનાની સારવારનું પણ પૂરું ઠેકાણું પડ્યું નથી ત્યાં હવે રસીની બૂમરાણ સર્જાઈ છે.

કોરોનાએ આપત્તિ વ્યવસ્થાપનની પોલ ખોલી નાખી છે, સરકારની મોટી જાહેરાતો પછી લોકોની મુશ્કેલી ઘટતી નથી. તો તંત્ર અને નેતાઓ પણ વામણા પુરવાર થઈ રહ્યા છે.

(11:01 am IST)
  • પોરબંદરમાં આજે ર૩ મૃતદેહને અન્‍નસંસ્‍કાર કરાયો હતો જેમાં ર કોરોનાનો સમાવેશ થાય છે access_time 11:23 pm IST

  • મહારાષ્ટ્રમાં મોડી સાંજ સુધીમાં ૫૭ હજારથી વધુ નવા કેસ નોંધાયા મુંબઈમાં પણ થોડા કેસ વધ્યા છે મોડી સાંજ સુધીમાં મહારાષ્ટ્રમાં ૫૭૬૪૦ નવા કોરોના કેસ નોંધાયા છે, તો મુંબઈમાં ૩૮૭૯ નવા કેસ થયા ૩૬૮૬ સાજા થયા અને ૨૪ કલાકમાં ૭૭ મૃત્યુ નોંધાયા છે: જ્યારે મહારાષ્ટ્રમાં ૫૭૦૦૬ સાજા થતા ડીસ્ચાર્જ કરાયા અને ૯૨૦ મૃત્યુ નોંધાયા છે access_time 9:33 pm IST

  • સારા સમાચાર : ઝાયડસ કેડિલા, ભારતની બીજી સંપૂર્ણ ઈન્ડિજિનસ કોવિડ વેક્સીન સાથે તૈયાર : વચગાળાની અસરકારકતા ડેટાના પ્રથમ સેટને પ્રાપ્ત કર્યા પછી, ઝાયડસ કેડિલા આ મહિનામાં તેની કોવીડ -19 રસીના ઇમરજન્સી યુઝ માટે અરજી કરશે : અત્યારે 1 કરોડ ડોઝ પ્રતિ મહિના સુધી રસીનું પ્રોડક્શન કરી શકશે, જેને પછીથી બે કરોડ ડોઝ પ્રતિ મહિના સુધી લઈ જવાશે access_time 11:47 pm IST