Gujarati News

મોરબી પોલીસે રાજ્ય વ્યાપી ડુપ્લીકેટ ઇન્જેક્શન કાંડના મૂળ સુધી પહોંચીને ૧૧ ઇસમોને દબોચી લીધા હોય જેમાં અગાઉ બે આરોપી કોરોના પોઝીટીવ હોય અને અન્ય બેની ધરપકડ કરવામાં આવી હતી તો બાકી રહેલા સાત પૈકી એક આરોપી કોરોના પોઝીટીવ આવતા અન્ય છની ધરપકડ કરાઈ છે
મોરબી પોલીસે ઝડપી લીધેલા વધુ સાત આરોપીના કોરોના રીપોર્ટ આજે આવી ગયા હોય જેમાં એક આરોપી કોરોના પોઝીટીવ હોવાથી નિયમ અનુસાર તેને આઈસોલેશન સેન્ટરમાં દાખલ કર્યો છે જયારે અન્ય છ આરોપીઓ પુનીત શાહ, પ્રકાશ મધુકર, કૌશલ વોરા, ધીરજ કુશવાહ, ધર્મેશ પટેલ અને હસન સુરતી એમ છ આરોપીની પોલીસે ધરપકડ કરી હતી આમ અત્યાર સુધીમાં ડુપ્લીકેટ ઇન્જેક્શન કાંડમાં ઝડપાયેલા ૧૧ આરોપી પૈકી ૦૩ કોરોના સંક્રમિત હોવાનું ધ્યાને આવ્યું હતું જયારે અન્ય આઠની ધરપકડ કરવામાં આવી છે આજે ઝડપાયેલા છ આરોપીને કાલે કોર્ટમાં રિમાન્ડની માંગણી સાથે રજુ કરાશે