Gujarati News

Gujarati News

News of Wednesday, 5th May 2021

ભાવનગરમાં હોસ્પિટલમાં ત્રીજા માળેથી ઝંપલાવી કોરોના દર્દીનો આપઘાત

સર.ટી. હોસ્પિટલમાં ગ્રીલ વગરની બારીમાંથી અરવિંદ વાલજીભાઇ કણોતરાએ છલાંગ લગાવીને મોત મીઠુ કર્યું

(મેઘના વિપુલ હિરાણી દ્વારા) ભાવનગર,તા. ૫: ભાવનગરની હોસ્પિટલમાં કોરોનાની સારવાર લઇ રહેલા યુવાને બિલ્ડીંગ ૩ જા માળેથી પડતુ મુકી આપઘાત વહોરી લીધો હતો.

ભાવનગરમાં કોરોના સંક્રમણ વધી રહ્યુ છે. ત્યારે કોરોનાગ્રસ્ત યુવાને હોસ્પિટલના ત્રીજા માળેથી મોતની છલાંગ લગાવી આત્મહત્યા વહોરી લેતા અરેરાટી ફેલાઇ ગઇ છે.

 બનાવની વિગતો એવી છે કે શહેરના પ્રભુદાસ તળાવ મારદવિહાર અખાડા નજીક રહેલા અરવિંદભાઇ વાલજીભાઇ  કણોતરા (ઉવ.૪૫) તે કોરોના પોઝીટીવ હોય ૫ દિવસની સારવાર બાદ તેને સર.ટી. હોસ્પિટલમાં દાખલ કરવામાં આવેલ. દરમ્યાન કોઇ કારણોસર અરવિંદભાઇએ પોતાના બેડની સામેના ભાગે આવેલી ગ્રીલ વગરની ખુલ્લી બારીમાંથી પડતુ મુકી આપઘાત વહોરી લીધો હતો. આ બનાવ અંગે એ ડીવીઝન પોલીસ વધુ તપાસ ચલાવી રહી છે.

(11:12 am IST)
  • સુપ્રિમ કોર્ટે કોરોના કાળમાં અબજા રૂપિયાના સેન્ટ્રલવિસ્ટા પ્રોજેકટનું કામ રોકવાની માંગણી કરતી જાહેર હિતની રીટ પીટીશન ઉપર સુનાવણી હાથ ધરવા હા પાડી છે access_time 12:00 pm IST

  • રાજસ્થાનની જોધપુર સેન્ટ્રલ જેલમાં સજા ભોગવી રહેલા આસારામ બાપુને બુધવારે રાત્રે જેલમાંથી મહાત્મા ગાંધી હોસ્પિટલમાં ખસેડવામાં આવ્યા છે. જેલમાં તબિયત લથડતા જેલ પ્રશાસન તેમને મહાત્મા ગાંધી હોસ્પિટલમાં લઈ ગયા છે. ત્યાં કોરોના વાયરસના લક્ષણો દેખાય બાદ આસારામ બાપુને કોવિડ -19 ચેપ લાગ્યો હોવાની શંકા સેવાય રહી છે. તેમનો કોવિડ પરીક્ષણનો નમૂના લેવામાં આવ્યો હતો અને તબિયત લથડતાં તેમને હોસ્પિટલના આઈસીયુમાં દાખલ કરાયા હતા. access_time 12:10 am IST

  • દક્ષિણના રાજ્યોમાં આજે પ્રિમોન્સુન વરસાદ પડવાની સંભાવના આજે કર્ણાટક, દક્ષિણ કોંકણ અને કેરળમાં ગાજવીજ સાથે વરસાદ પડવાની સંભાવના છે, બેંગલુરુ, મૈસુરૂ, મદુરાઈ અને સાલેમ નજીક પણ વરસાદ પડવાની સંભાવના જાણીતા વેધર વોચર કેન્નીએ તેમના ટ્વિટર હેન્ડલ પર દર્શાવી છે access_time 10:53 am IST