Gujarati News

Gujarati News

News of Wednesday, 5th May 2021

ધારીમાં સેવાભાવનાની સાથે સરકારી હોસ્પિટલમાં જ કોવિડ સેન્ટર શરૂ કરાયુ

ધારી : ધારી શહેર અને તાલુકાના કોરોનાના દર્દીઓને ધારીમા જ સારવાર મળી રહે તે માટે ધારાસભ્યશ્રી જે. વી. કાકડીયાની આગેવાનીમાં સર્વે આગેવાનોએ સાંસદશ્રી નારણભાઈ કાછડિયા, જિલ્લા ભાજપ પ્રમુખશ્રી કૌશિકભાઈ વેકરીયા તેમજ ઉચ્ચ અધિકારીઓ ને રજુઆતના પગલે ધારી સરકારી પ્રારંભ કરવામા આવ્યો. જેમા ડો. આર. એમ. જોષીએ જણાવેલ કે ધારી સિવિલ હેલ્થ સેન્ટરની ટીમ દ્વારા પુરી મહેનત કરી દર્દીઓને સાજા કરવામા ખંતથી કામ કરશે. આ તકે દાતાશ્રીઓના સહકારથી ધારી તાલુકા ભાજપ પ્રમુખ જીતુભાઈ જોષી દ્વારા ૧૦ ઓકિસજન સિલિન્ડર, શ્રી બજરંગ ગૃપના પરેશભાઈ પટ્ટણી દ્વારા ૧૦ સિલિન્ડર અને શ્રી ગાયત્રી ફાઉંડેશનના હિતેશભાઈ જોષી તરફથી ૫ સિલિન્ડરની વ્યવસ્થા કરી આપવામા આવેલ છે. તથા શ્રી ખેતલિયા દાદા આસ્થા મંડલ દ્વારા દર્દીઓને દવાખાનામાં ભોજનની સેવા પુરી પડવામા આવશે. અને એસ. એન. દામાંણી પ્રાથમિક શાળામા કોરોના કેર સેન્ટર ઉભુ કરવામા આવેલ છે ત્યા ૨૦ બેડની વ્યવસ્થા વસંતભાઈ ગજેરા તરફથી કરેલ છે. ઓકિસજનના ખાલી અને ભરેલા સિલિન્ડર લેવા અને મુકવા જવાની સેવા ધારી BAPS સ્વામિનારાયણ મંદિરની બોલેરો ગાડી કરશે.

(11:13 am IST)
  • બંગાળના CM બન્યા બાદ તરત મમતા બેનર્જીની કોરોના પર મોટી બેઠક : લાગુ પાડ્યાં નવા પ્રતિબંધો : આવતીકાલથી લોકલ ટ્રેન બંધ રાખવાનો નિર્ણય : શોપિંગ કોમ્પલેક્સ, જિમ, સિનેમા હોલ, બ્યુર પાર્લર, પૂલ બંધ access_time 11:53 pm IST

  • સારા સમાચાર : ઝાયડસ કેડિલા, ભારતની બીજી સંપૂર્ણ ઈન્ડિજિનસ કોવિડ વેક્સીન સાથે તૈયાર : વચગાળાની અસરકારકતા ડેટાના પ્રથમ સેટને પ્રાપ્ત કર્યા પછી, ઝાયડસ કેડિલા આ મહિનામાં તેની કોવીડ -19 રસીના ઇમરજન્સી યુઝ માટે અરજી કરશે : અત્યારે 1 કરોડ ડોઝ પ્રતિ મહિના સુધી રસીનું પ્રોડક્શન કરી શકશે, જેને પછીથી બે કરોડ ડોઝ પ્રતિ મહિના સુધી લઈ જવાશે access_time 11:47 pm IST

  • રાજસ્થાનની જોધપુર સેન્ટ્રલ જેલમાં સજા ભોગવી રહેલા આસારામ બાપુને બુધવારે રાત્રે જેલમાંથી મહાત્મા ગાંધી હોસ્પિટલમાં ખસેડવામાં આવ્યા છે. જેલમાં તબિયત લથડતા જેલ પ્રશાસન તેમને મહાત્મા ગાંધી હોસ્પિટલમાં લઈ ગયા છે. ત્યાં કોરોના વાયરસના લક્ષણો દેખાય બાદ આસારામ બાપુને કોવિડ -19 ચેપ લાગ્યો હોવાની શંકા સેવાય રહી છે. તેમનો કોવિડ પરીક્ષણનો નમૂના લેવામાં આવ્યો હતો અને તબિયત લથડતાં તેમને હોસ્પિટલના આઈસીયુમાં દાખલ કરાયા હતા. access_time 12:10 am IST