Gujarati News

(હસમુખરાય કંસારા દ્વારા) ધ્રોલ,તા. ૫ : ધ્રોલ બ્રહ્મસમાજના અગ્રણી સ્વ.ડો.ઉષાકાંતભાઇ એસ.શુકલના સ્મરણાર્થે તા. ૬/૭/૨૦૨૨ના રોજ સાંજે ૩:૩૦ થી ૭:૩૦ સુધી જૈન દેરાસર (વાણંદશેરી) ખાતે રકતદાન શિબીર યોજવામાં આવેલ છે.

આ રકતદાન શિબિરનું આયોજન ડો.ઉષાકાંતભાઇ શુકલના પરિવાર, જૈન તીર્થક્ષેત્ર અને બાલાજી મિત્ર મંડળના સહયોગથી કરવામાં આવેલ છે.

આ રકતદાન શિબિરમાં જામનગરની જી.જી.હોસ્પિટલની ટીમ સેવા આપશે. આયોજકો તરફથી શહેરના યુવાનોને આ શિબીરનો લાભ લેવા વિનંતી કરવામાં આવેલ છે. એકત્ર થયેલ રકતની બોટલો જી.જી.હોસ્પિટલ ખાતેથી જરૂરીયાત મંદ દર્દીઓને વિનામૂલ્યે ફાળવવામાં આવે છે.