Gujarati News

(વિનોદ ગાલા દ્વારા)ભુજ,તા.૫: કચ્છના સામખિયાળીમાં ટોલપ્લાઝા પાસે કન્ટેનર સાથેની ટ્રકમાં આગના બનાવે દોડધામ સર્જી હતી. કન્ટેનરમાં દોરા ભરેલા હતા. ટોલપ્લાઝાના કર્મચારીઓ, ઉપરાંત ભચાઉ ફાયર ફાઈટરના સ્ટાફ અને વાહનચાલકોએ આગ બુઝાવી હતી. આગને પગલે હાઇવે ઉપર ભય ફેલાયો હતો સાથે સાથે વાહન વ્યવહાર જામ થઈ ગયો હતો. આગમાં દોરાનો તમામ જથ્થો બળીને ખાખ થઈ ગયો હતો. આગનું કારણ અને નુકસાનીના અંદાજનો હજી તપાસ બાદ ખ્યાલ આવશે.