Gujarati News

કચ્છના ભુજથી માતાના મઢ જતી એસ.ટી. બસને અકસ્માત નડ્યો હતો. બસ અને ટ્રક વચ્ચે અકસ્માત સર્જાયો હતો. જેમાં 20 જેટલા લોકો ઈજાગ્રસ્ત થયા છે. નખત્રાણાના કોટડા જદોડર નજીક આ અકસ્માત સર્જાયો હતો. તમામ ઈજાગ્રસ્તોને નખત્રાણાની સરકારી હોસ્પિટલમાં ખસેડવામાં આવ્યા હતા. તમામ ઈજાગ્રસ્તોને પહેલા સારવાર માટે 108 એમ્બ્યુલન્સ દ્વારા નખત્રાણા સરકારી હોસ્પિટલે ખસેડવામાં આવ્યા હતા. ત્યારબાદ ગંભીર રીતે ઈજાગ્રસ્તોને ભુજની જી. કે. જનરલ હોસ્પિટલમાં ખસેડવામાં આવ્યા હતા. આ અકસ્માતમાં ત્રણ મુસાફરોને ગંભીર ઈજા પહોંચી છે. સવારના સમયે આ અકસ્માતની ઘટના ઘટી હતી.