Gujarati News

(વિનુ જોષી દ્વારા) જૂનાગઢ,તા. ૫ : જૂનાગઢના ડેપ્‍યુટી મેયર અને અખિલ સૌરાષ્‍ટ્ર રઘુવીર  સેનાના સુપ્રીમો ગીરીશભાઇ કોટેચા અને તેમના ધર્મપત્‍નિ ગીતાબેન કોટેચા પરિવાર દ્વારા આગામી તા. ૭ને શુક્રવારથી તા. ૯ ઓકટોબર સુધી સતત ત્રણ દિવસ સુધી ગિરનાર રોડ સ્‍થિત ગિરીરાજ વિલા બંગલો તેમના નિવાસ સ્‍થાને બાળાઓને ભાવથી ભોજન કરાવશે.

ગિરીશભાઇ કોટેચાએ જણાવ્‍યુ હતુ કે છેલ્લા વીસ વર્ષથી તેમના દ્વારા આ સેવાયજ્ઞ ચલાવાય છે.

જેમાં દર વર્ષે જૂનાગઢ અને નજીકના ગામની ૨૫૦ ગરબી મંડળની ૨૦,૦૦૦થી વધુ બાળઅઓને સાક્ષાત જગદંબાનું સ્‍વરૂપ સમજીને ખૂબ જ ભાવપૂર્વક સાંજે ૫ કલાકે તેમના નિવાસ સ્‍થાને જમાડવામાં આવશે.

ગિરીશભાઇ કોટેચાએ વધુમાં જણાવેલ કે આ બાળઓને લાવવા માટે બસોની પણ વ્‍યવસ્‍થા કરવામાં આવેલ છે. આ સેવાકીય યજ્ઞમાં ગિરીશભાઇ કોટેચા તેમના ધર્મપત્‍નિ ગીતાબેન કોટેચા પુત્ર પાર્થ કોટેચા અને પુત્રવધુ પણ સહભાગી થઇ રહ્યા છે.