Gujarati News

(વિનોદ ગાલા દ્વારા) ભુજ,તા.૬ : સ્થાનિક સ્વરાજ્યની ચૂંટણી દરમ્યાન સરકારની મીઠી નજર અને સભાઓ, રેલીઓ સામે તંત્રએ આંખે પાટા બાંધ્યા બાદ હવે કોરોના સામે લોકોને જાગૃતિ દાખવવા વાહનો સાથે સૂચના આપવામાં આવી રહી છે. જોકે, કચ્છ જિલ્લામાં સૌથી મોટો સવાલ કોરોનાના આંકડાઓ સામે છે. કન્ટેનમેન્ટ ઝોન અને સ્થાનિકે દર્શાવાતા દર્દીઓની સંખ્યા વચ્ચે, મોતના આંકડાઓ વચ્ચે ખૂબ જ મોટો ઉલટફેર જોવા મળી રહ્યો છે. પ્રજા લાંબા સમયથી કોરોનાની કહેરનો અનુભવ કરી રહી છે. જોકે, હવે ગઇકાલે એકાએક કચ્છમાં ૩૦ પોઝિટિવ દર્દીઓ અને એક મોત તંત્ર દ્વારા દર્શાવાયા છે. જે છેલ્લા પોણા ત્રણ મહિનામાં સૌથી વધુ છે. સવાલ રોગચાળા અંગે -જાને જાગૃત કરવાનો હોય તો -જાને વિશ્વસનીય માહિતી સાથે કોરોના સામે મક્કમ મનોબળ સાથે લડત આપવા તૈયાર કરવાની જરૂરત છે.