Gujarati News

(મેઘના વિપુલ હિરાણી દ્વારા)ભાવનગર તા.૬ : હિન્દી ફિલ્મ મેડ ઈન ચાઈના અને પોલમ પોલ ,ધુમ્મસ ચાસણી જેવી અનેક ફિલ્મો થતા વાગલે કી દુનિયા સહિત અને ટીવી શો ના જાણીતા અભિનેતા ઓજસ રાવલ ભાવનગર માં હું તારી હીર ફિલ્મના પ્રચાર અર્થે આવ્યા હતા અને તેણે કહ્યું હતું ગુજરાતી સિનેમા છેલ્લા કેટલાંક વર્ષોથી વૈવિધ્યસભર બની રહ્યું છે. ખાસ કરીને ફિલ્મની વાર્તાથી લઇને સિનેમેટોગ્રાફી, મ્યુઝિકથી લઇ સંવાદો, લોકેશન્સની બાબત પર મેકર્સ ઝીણવટભરી રીતે કામ કરતા જોવા મળી રહ્યાં છે. દર્શકોને રોમાન્સનો એક અપ્રતિમ અનુભવ કરાવવા માટે બહુ-પ્રતિક્ષિત ગુજરાતી ફિલ્મ 'હૂં તારી હીર' ૭ ઓકટોબર ૨૦૨૨ના રોજ થિયેટર્સમાં રીલિઝ થવા માટે તૈયાર છે, જેનું ટ્રેલર ૨૯ ઓગસ્ટના રોજ લૉન્ચ કરવામાં આવ્યું છે. 'હૂં તારી હીર'ના ટ્રેલરના સંગીત અને સંવાદોને દર્શકો તરફથી ખૂબ જ બહોળો પ્રતિસાદ મળી રહ્યો છે.

 હું તારી હીર માં હીર બનતી પૂજા જોશી એ કહું કે મારી કેરિયર ની શરૃઆત ધારાવાહિક થઇ થઇ હતી ત્યાબાદ હિન્દી ટીવી શો અને વેબ સિરીઝ કરી છે હું હીર છું માં હું લીડ રોલ નિભાવી રહી છું અને આ પાત્ર મારા કેરિયર નું બેસ્ટ પાત્ર છે મારા સાથી કલાકાર ઓજસ રાવલ અને ભરત ચાવડા છે આ ફિલ્મ આજની દરેક મહિલાઓ એ પરિવાર સાથે જોવા જેવી ફિલ્મ છે  લિસ્બેનિયા યૂરોપમાં ફિલ્માવવામાં આવી છે ફિલ્મમાં અર્બન, રૃરલ અને ઇન્ટરનેશનલ કલ્ચરને રજૂ કરે છે .ફિલ્મ 'હૂં તારી હીર'નું ટ્રેલર દરેક છોકરી સશકત બની શકે છે તે વાક્યથી શરૃ થાય છે. જે એક સામાજિક સંદેશ આપતી ફિલ્મની કથા વસ્તુને મજબૂતાઇથી રજૂ કરે છે. ફિલ્મ અર્બન, રૃરલ અને ઇન્ટરનેશનલ કલ્ચરને રજૂ કરે છે. ટ્રેલરમાં રજૂ કરાયેલા સંવાદો ફિલ્મને મસ્ટ વોચ્ડ અપકમિંગ મૂવીની પંકિતમાં જોડી દે છે. સંગીત પણ દર્શકોને પસંદ આવી રહ્યું છે. ટૂંકમાં કહીએ તો આ એક એવી વાર્તા છે, જે એક છોકરીના હૃદયની અવર્ણિત વાતને વર્ણવે છે, જેમાં તે લગ્નજીવનને લઇ સંઘર્ષ કરતી જોવી મળી રહી છે.

ફિલ્મ વિશે જણાવતા ફિલ્મના ડિરેકટર ધ્વનિ ગૌતમે જણાવ્યું, 'હૂં તારી હીર'ના ટીઝરને જે રીતે પ્રતિસાદ મળ્યો હતો, તેવો જ પ્રતિસાદ ટ્રેલરને પણ મળી રહ્યો છે. ટ્રેલર લૉન્ચ થયા બાદ અનેક છોકરીઓએ તેમનું નામ હીર ન હોવા છતાં આ તેઓની પોતાની કહાણી હોય તેમ લાગી રહ્યું હોવાનું મને જણાવી રહી છે. ગુજરાતી સિનેમાની આ  પ્રથમ ફિલ્મ છે, જેને લિસ્બેનિયા યૂરોપમાં ફિલ્માવવામાં આવી છે. ફિલ્મમાં અનેક જાણીતા ગાયકોએ પોતાનો કંઠ આપ્યો છે અને ફિલ્મ સંપૂર્ણ પણે પારિવારિક મનોરંજન બની રહેવાની સાથે દર્શકોને રજૂ કરાયેલા સામાજિક સંદેશ સાથે જોડવામાં સફળ રહેશે.

 'હૂં તારી હીર' મ્યુઝિકલ રોમેન્ટિક ફિલ્મ છે. જેમાં ડ્રામા, મ્યુઝિક અને રોમાંસ તમને પહેલા ક્યારેય ન થયો હોય તેવો રોમેન્ટિક અનુભવ કરાવશે. ધ્વનિ ગૌતમ દ્વારા દિગ્દર્શિત ફિલ્મ 'હૂં તારી હીર'માં પૂજા જોશી, ભરત ચાવડા, ઓજસ રાવલ, ધર્મેશ વ્યાસ, ધ્વનિ ગૌતમ મુખ્ય પાત્રોમાં જોવા મળશે. 'હૂં તારી હીર' ફિલ્મને ડેસ્ટિનેશન્સ યોર્સ એન્ટરટેઇનમેન્ટ્સ દ્વારા પાવરા એન્ટરટેઇનમેન્ટ અને ધ્વનિ ગૌતમ ફિલ્મ્સની સહયોગિતમાં પ્રોડ્યુસ કરવામાં આવી છે, જેના નિર્માતા જયેશ પાવરા, દિશા ઉપાધ્યાય અને સમીર એમ ઉપાધ્યાય છે.