Gujarati News

Gujarati News

News of Thursday, 7th July 2022

ગીર સોમનાથ જિલ્લામાં ‘સમજ સ્‍પર્શ કી' ઝૂંબેશ

પ્રભાસ પાટણ તા.૭ : શાળાના બાળકોમાં સારા અને ખરાબ સ્‍પર્શ અંગે સમજ આપવા તેમજ જાગળતી લાવવાના હેતુથી ગીર સોમનાથ જિલ્લા પોલીસ અધિક્ષક  મનોહરસિંહ જાડેજાના માર્ગદર્શન હેઠળ મહિલા પોલીસ સ્‍ટેશન દ્વારા જિલ્લાભરની વિવિધ શાળાઓમાં ‘સમજ સ્‍પર્શ કી'  ઝૂંબેશ હાથ ધરવામાં આવી હતી. જેમાં શાળાની વિદ્યાર્થીનીઓને ‘ગુડ ટચ અને બેડ ટચ' વિશે તેમજ મહિલાલક્ષી પોલીસ સેવાઓ અંગે વિગતવાર માહિતી આપી સમજાવવામાં આવ્‍યું હતું.

 મહિલા પોલીસ સ્‍ટેશન દ્વારા જિલ્લાભરની શાળા અને એકેડમીમાં કુલ ૮૦૦ જેટલી વિદ્યાર્થીનીઓને હાલના સમયમાં સતર્ક કેવી રીતે રહી શકાય, સેલ્‍ફ ડિફેન્‍સ વિશેની સમજ તેમજ જરૂરી કાયદાકીય માર્ગદર્શન તથા મહિલા પોલીસ સ્‍ટેશન પોલીસ ઇન્‍સ્‍પેક્‍ટર ડો.અનસુયા વરચંદ દ્વારા મહિલાલક્ષી પોલીસ સેવાઓ વિશે માર્ગદર્શન પણ આપવામાં આવ્‍યું હતું.

(12:13 pm IST)