Gujarati News

(કિશોરભાઈ રાઠોડ દ્વારા) ધોરાજી:રાજકોટ જીલ્લાના જામકંડોરણા તાલુકામાં સાડા ચાર ઇંચ કરતા વધુ વરસાદ પડતા દુધીવદર ગામ પાસેનો ફોફળ-૧ ડેમ હાલ ૭૦% ભરાઈ ચુક્યો છે. જળાશયની ભરપુર સપાટી ૮૧.૭૫ મી.છે, જ્યારે જળાશયની હાલની જળસપાટી ૮૦.૨૯ મી. છે. ડેમમાં ૩૮૮૯૦ કયુસેક પાણીની આવક સતત ચાલુ હોવાથી ગમે ત્યારે ઓવરફ્લો થવાની શક્યતા છે. તંત્ર વાહકો દ્વારા ફોફળ  ડેમની હેઠવાસમાં આવેલ જામકંડોરણા તાલુકાના દુધીવદર,ઇશ્વરીયા, તરવડા અને વેગડી ગામના લોકોને નદીના પટમાં અવર-જવર નહીં કરવા તથા સાવચેત રહેવા અપીલ કરાઈ છે.