Gujarati News

ભાવનગર જિલ્લા કે શહેરમાં ભારે વરસાદ થાય તો પરિસ્થિતિને પહોંચી વળવા તમામ પ્રકારની તૈયારીઓ કરી દેવામાં આવી છે. જેના ભાગરૂપે રાજ્ય સરકાર દ્વારા એક એનડીઆરએફ (NDRF)ની ટીમ પણ ભાવનગર ખાતે તૈનાત કરી દેવામાં આવેલી છે. 25 જવાનોની ટીમ સાથે એનડીઆરએફ ટિમ હાલ ભાવનગર ખાતે સ્ટેન્ડ બાય છે. તમામ પ્રકારના આધુનિક સાધનો અને વસ્તુઓ લઈને ભાવનગર આવી પહોંચેલ છે. અને જો ભારે વરસાદ થાય તો જ્યાં મુશ્કેલી હશે ત્યાં પરિસ્થિતિને પહોંચી વળવા એનડીઆરાએફ ની ટીમ તૈયાર છે. દરમિયાન ઉપરવાસમાં વરસાદથી ભાવનગરની જીવાદોરી સમાન ગૌરીશંકર તળાવમાં નવા નીરની આવક થઈ હતી. જેના પગલે શહેરીજનો ખુશ થઈ ગયા હતા.

ભાવગનરના બગદાણાનો બગડ ડેમ ઓવર ફલો થતા  નીચાણવાળા વિસ્તારોને એલર્ટ આપવામાં આવ્યું છે. ખાસ કરીને  બગદાણાના ચાર ગામ, નાની જાગધાર, મોટી જગધાર, લિલવણને પાણીની ભારે આવકને પગલે  એલર્ટ કરવામાં આવ્યા છે.