Gujarati News

Gujarati News

News of Wednesday, 9th September 2020

જુનાગઢમાં સમાધાન માટે ૩ લાખ માંગીને વેપારીને છરી ઝીંકી

ભાવેશ રાઠોડ ઉપર હુમલો કરીને અરમાન ગામેતી નાશી છૂટયોઃ વેપારીઓમાં ભારે રોષ

તસ્વીરમાં દુકાનમાં તોડફોડ બાદ ટોળા એકત્ર થઇ ગયા તે નજરે પડે છે(તસ્વીરઃમુકેશ વાઘેલાઃજુનાગઢ)

(વિનુ જોષી દ્વારા) જુનાગઢ, તા.૯: જુનાગઢના આગળના કેસના સમાધાન માટે એક માથાભારે શખ્સે રૂ.૩ લાખ માંગીને વેપારી ઉપર હુમલો કર્યો હોવાનું જાણવા મળેલ છે.

આ બનાવની વિગતો એવી છે કે, જુનાગઢમાં ખામધ્રોળ રોડ વિસ્તારમાં દુકાન ધરાવતા ભાવેશભાઇ ગિરીશભાઇ રાઠોડ (ઉ.વ.૩૫) નામના વેપારી ગઇકાલે તેમની દુકાને ધૂપ દિપ કરતા હતા. ત્યારે કેમ્બ્રીજ પાસે રહેતો અરમાન ગામેતી નામનો શખ્સ આવ્યો હતો અને તેણે ભાવેશ રાઠોડ પાસે આગળના કેસના સમાધાન માટે રૂ.૩ લાખની માંગણી કરી હતી. પરંતુ વેપારીએ પૈસા આપવાની ના પાડતા અરમાને છરી વડે હુમલો કર્યો હતો.

આ હુમલામાં ભાવેશભાઇને ગંભીર પ્રકારની ઇજા પહોંચાડીને અરમાન ગામેતી નાસી ગયો હતો. આ બનાવ અંગે તાલુકા પોલીસે ફરિયાદ નોંધીને ધોરણસરની કાર્યવાહી હાથ ધરી હતી.

(12:56 pm IST)
  • ' એમ્પ્લોયીઝ પ્રોવિડંડ ફંડ ઓર્ગેનાઇઝેશન ( EPFO ) ની આજ બુધવારે મિટિંગ : 2019-20 ની સાલ માટે માર્ચ માસમાં ભલામણ કરાયેલ 8.50 ટકા વ્યાજને હજુ સુધી કેન્દ્ર સરકારની મંજૂરી નથી મળી : ગયા વર્ષે 8.65 ટકા વ્યાજ ચુકવાયું હતું : છેલ્લા 7 વર્ષનો સૌથી ઓછો વ્યાજ દર માન્ય રાખવામાં પણ વિલંબ થવાથી મિટિંગમાં મુદ્દો ઉઠાવાય તેવી સંભાવના access_time 2:09 pm IST

  • રોનાલ્ડો ૧૦૦ ગોલના કલબમાં : પાંચ વખત બૈલન ડિ'ઓરના વિજેતા ક્રિસ્ટીયાનો રોનાલ્ડો ૧૦૦ આંતર રાષ્ટ્રીય ગોલ કરનાર ફુટબોલ ઇતિહાસના બીજા પુરૂષ અને પ્રથમ યુરોપીયન ખેલાડી બની ગયા છે. રોનાલ્ડોએ તેના ૧૩પ આંતરરાષ્ટ્રીય મેચોમાં યુએફ નેશનલ લીગમાં સ્વીડન સામે ગોલ કરી આ ઉપલબ્ધી હાંસલ કરી હતી. રોનાલ્ડોએ ર૦૦૩ માં આંતરરાષ્ટ્રીય ફુટબોલ ક્ષેત્રે પદાર્પણ કર્યુ હતું. access_time 3:19 pm IST

  • કંગના રનૌત મુંબઈમાં દાખલ : ઉદ્ધવ ઠાકરે ઉપર નિશાન સાધ્યુ : કહ્યું, આજે મારૃં ઘર તોડ્યુ, કાલે તમારો ઘમંડ તૂટશે...!! : કંગનાએ વિડીયોમાં બાબરની ઉપમા આપી તો શિવસેનાના રાષ્ટ્રીય પ્રવકતા સંજય રાઉતે કહ્યું અમે જ તો બાબરી તોડી હતી : કંગનાની ૪૮ કરોડની ઓફીસ ઉપર શિવસેનાના વડપણ હેઠળના મુંબઈ કોર્પોરેશને બુલડોઝર ફેરવી દેવાતા મોટું નુકશાન થયુ છે : કંગનાએ કહ્યુ કે આ લોકશાહીની હત્યા છે access_time 4:52 pm IST