Gujarati News

રાજકોટ તા. ૯: જામનગરમાં રેલ્વે સ્ટેશન પાછળ મછોનગરમાં રહેતાં રાજૂ મનસુખભાઇ હાથરીયા (દેવીપૂજક) (ઉ.વ.૨૫)ને સાંજે તે મોરબીમાં લીલાપર રોડ પર હતો ત્યારે તેની પત્નિ ભાવનાના પૂર્વ પતિ ભરત દેવીપૂજક અને સાથેના પિન્ટૂએ છરીના ઘા ઝીંકી દેતાં ગંભીર ઇજા થતાં મોરબી સારવાર અપાવી રાજકોટ સિવિલ હોસ્પિટલમાં ખસેડાયો છે.

બનાવ અંગે હોસ્પિટલ ચોકીના જીજ્ઞેશભાઇ મારૃ અને તોૈફિકભાઇ જૂણાચે મોરબી એ-ડિવીઝનમાં જાણ કરી હતી. રાજુની પત્નિ ભાવનાએ કહ્યું હતું કે હુમલો કરનાર ભરત મારો પૂર્વ પતિ છે. તેણે અગાઉ બીજી મહિલા સાથે લફરૃ ચાલુ કરી તેણીને ઘરમાં બેસાડી દેતાં હું તેને છોડીને નીકળી ગઇ હતી અને વર્ષોથી રાજુ સાથે લગ્ન કરીને રહુ છું અને રાજુ થકી મારે સંતાન પણ છે. ગઇકાલે મોરબી લીલાપર રોડ પર મારો પતિ રાજૂ કામ માટે આવ્યો હતો ત્યારે ભરત ભેગો થઇ જતાં તું કેમ મારી ઘરવાળીને રાખીને બેઠો છો? તેમ કહી છરીથી હુમલો કર્યો હતો. પોલીસે ફરિયાદ નોંધવા તજવીજ કરી હતી .