Gujarati News

રાજકોટઃ ડો.સી.જી. સરૈયા ચેરીટેબલ ટ્રસ્ટ- મુંબઈ અને શ્રીમતી શારદા જહાટકિયા મેમોરીયલ ટ્રસ્ટ- ગોંડલની સંયુકત યાદી મુજબ ગોંડલ તથા તેનાં આસપાસનાં ગ્રામ્યજનોમાં આ કોવિડ-૧૯ની મહામારીનાં સમયમાં અત્યારના આ કફોડી આર્થિક પરિસ્થિતિમાં ગરીબ અને આર્થિક જરૂરીયાતવાળા દર્દીઓને ડોકટરો દ્વારા લખી આપવામાં આવતી કોવિડ-૧૯ માટેની દવાઓ તદ્દન વિનામૂલ્યે હોસ્પિટલમાંથી વિનામૂલ્યે આપવામાં આવશે. આ દવાઓમાં ઈન્જેકશન લખેલ હશે તે આપવામાં આવશે નહીં.

આ સાથે દર્દીએ (૧) ડોકટરનું પ્રિસ્ક્રીપ્શન સાથે લાવવાનું રહેશે, (૨) આધારકાર્ડની કોપી આપવાની રહેશે. આ દવાઓ આજથી તા.૧૦ને સોમવારથી વહેલા તે પહેલાને ધોરણે આપવામાં આવશે. જયાં સુધી દવાનો સ્ટોક હશે ત્યાં સુધી કોવિડનાં બધા જ દર્દીઓને વિનામૂલ્યે દવાઓ આપવામાં આવશે. ગોંડલ તથા ગ્રામ્ય વિસ્તારમાં ગરીબ દર્દીઓને લાભ લેવા અનુરોધ કરાયો છે. ફોન (૦૨૮૨૫) ૨૪૦૪૦૭ / ૨૨૧૩૯૭.