Gujarati News

Gujarati News

News of Thursday, 10th September 2020

ગોંડલ કંપનીમાં ભાગીદાર બનાવવા વચન આપીને શિક્ષક સાથે પાલિકા સદસ્યની ૪૭ લાખની છેપરપીંડી

અરવિંદ બેરાની પૂર્વ કારોબારી ચેરમેન રાજેન્દ્રસિંહ જાડેજા સહિતના સામે પોલીસમાં ફરિયાદ

રાજકોટ, તા.૧૦: ગોંડલના કૈલાશબાગમાં રહેતા શિક્ષકને નગરપાલીકાના પૂર્વ કારોબારી ચેરમેને પોતાની કંપની ભાગીદાર બનાવવાનું વચન આપી વિશ્વાસમાં લઇ કંપનીમાં પૈસાની જરૂર છે કહી ૪૭ લાખની છેતરપિંડી આચાર્યા અંગે ગોંડલ સીટી પોલીસ મથકમાં લેખીત ફરીયાદ થઇ છે.

ગોંડલના કૈલાશબાગ ૭/૧૦માં રહેતા અને શિક્ષક તરીકે ફરજ બજાવતા અરવિંદભાઇ બચુલાલભાઇ વોરાએ ગોંડલ સીટી પોલીસ મથકમાં કરેલી લેખીત ફરીાયદમાં આશાપુરા મેઇન રોડ પર રહેતા નગરપાલીકાના સદસ્ય અને પૂર્વ કારોબારી ચેરમેન રાજેન્દ્રસિંહ રઘુરાજસિંહ જાડેજા, જયેન્દ્રબા રઘુરાજસિંહ જાડેજા, દેવયાનીબા રાજેન્દ્રસિંહ જાડેજાના નામ આઇપા છે.

શિક્ષક અરવિંદભાઇ વોરાએ અરજીમાં જણાવ્યું છે કે અમો ફરીયાદી સાથે આ કામના આરોપી રાજેન્દ્રસિંહ રઘુરાજસિંહ જાડેજા સાથે મિત્રતા હોય અને અમારે તેમની જોડે ઉઠક બેઠક હોય અને તેમના ઘરે આવવા જવાનો સંબંધ હોય અને આ રાજેન્દ્રસિંહ નગરપાલીકાના સદસ્ય અને પૂર્વ કારોબારી ચેરમેન હોય અને તેઓ આર જે મીલ્ક પ્રાઇવેટ લીમીટેડ નામે કંપની ધરાવતા હોય અને તે કંપનીમાં પૈસાની જરૂરીયાત ઉભી થતા તેઓએ અમારી પાસે મિત્રતાની રૂએ પૈસા માંગેલ હતા અને કહેલ કે હું તમોને આ કંપનીમાં ભાગીદાર બનાવી આપીશ અને ભાગીદાર નહી બનાવુ તો તમારા પૈસા થોડા સમયમાં પરત આપી દઇશ આવુ વચન અને વિશ્વાસ આપેલ જેથી અમોએ રાજેન્દ્રસિંહના કહેવાથી તેમની આર.જે.મીલ્ક પ્રાઇવેટ લીમીટેડ કંપનીમાં અમોએ તા. ૨૮-૧૨-૨૦૧૭ના રોજ આર.ટી.જી.એસ.થી તેમના આતામાં રૂ.૩૯૦૦૦૦૦/ ટ્રાન્સફર કરી આપેલ જે કંપની ઉપરોકત ત્રણેય વ્યકિતના નામે છે. ત્યારબાદ થોડો સમય થતા આ રાજેન્દ્રસિંહ અમારી પાસે આવેલ અને કહેલ કે તમોને અમારી કંપની આર.જે.મીલ્ક પ્રાઇવેટ લીમીટેડમાં ભાગીદાર તરીકેની પ્રોસેસ ચાલુ કરી દીધેલ છે. જેથી થોડા સમયમાં જ તમો અમારી આર.જે. મીલ્ક પ્રાઇવેટ લીમીટેડ કંપનીમાં ભાગીદાર થઇ જશો જેથી તમારે મારા માતા જયેન્દ્રબાને રૂ.૮૦૦૦૦૦/ આપવાના થશે જેથી અમોએ આ રાજેન્દ્રસિંહના માતા જયેન્દ્રબાના ખાતામાં રૂ.૮૦૦૦૦૦/ તા.૨૮-૨-૨૦૧૮ના રોજ આર.ટી.જી. એસ.થી ટ્રાન્સફર કરી આપેલ હતા ત્યારે આ ઉપરોકત ત્રણેય વ્યકિતઓએ કહેલ કે તમો ટુંક સમયમાં અમારી કંપનીમાં ભાગીદાર થઇ જશો તેવો વચન અને વિશ્વાસ આપેલ જેથી અમો તેમના વિશ્વાસમાં આવી  જઇ કુલ રૂ.૪૭૦૦૦૦૦/ તેમના ખાતામાં ટ્રાન્સફર કરી આપેલ હતા.

ત્યારબાદ અમુક મહીના બાદ આ રાજેન્દ્રસિંહને કહેલ કે હજુ કયારે તમો તમારી કંપનીમાં ભાગીદાર બનાવો છો તો તેઓ થોડા સમયનું કહી વાત ટાળી દિધેલ ત્યારબાદ અવાર-નવાર આવી રીતે બહાના કાઢી વાત ટાળી દેતા જેથી અમોને એવું લાગેલ કે આ રાજેન્દ્રસિંહ અમોને ભાગીદાર બનાવવા માગતા નથી જેથી અમો રાજેન્દ્રસિંહ પાસે તેમના ઘરે ગયેલ તો ત્યાં ઉપરોકત ત્રણેય વ્યકિતઓ હાજર હતા અને કહેલ કે તમારે અમને તમારી કંપનીમાં ભાગીદાર ન બનાવવા હોય તો કહી નહી પણ અમોએ આપેલ રૂ.૪૭૦૦૦૦૦/ અમોને પરત આપી દયો જેથી અમારો હિસાબ પુરો થઇ જાય તેથી રાજેન્દ્રસિંહ એકદમ ગુસ્સે થઇ ગયેલ અને જેમ ફાવે તેમ ભુંડી ગાળો આપવા લાગેલ જેથી અમોએ કહેલ કે તમો ગાળો શું કામ આપો છો, અમો અમારા પૈસા લેવા આવ્યા છીએ તો તે કહેવા લાગેલ કે તારે જે થાય તે કરી લે તારા પૈસા આજેય  નહી અને કાલેય પણ નહી મળે તેમ છતા પણ નહી માને તો તમારા હાથ પગ ભંગાવી નાખીશ, હું સુધરાઇનો કારોબારી ચેરમેન છુ મારી ઓળખાણ ગાંધીનગર સુધી છે. અને પોલીસવાળા પણ હું જેમ કહી તેમ કરશે અને તેમ છતા પણ તુ નહી માને કે હવે પછી પૈસા બાબતનો ફોન કરીશ તો તારા ઉપર બળાત્કારની ખોટી ફરીયાદ કરાવીશ અને તને સમાજમાં બદનામ કરી  દઇશ કોઇપણ ગુનામાં ખોટી રીતે ફાંટ કરાવી દઇશ અને તેમ છતા નહી માને તો તને તથા તારા પરિવારને જાનથી મરાવી નાખીશ તેમ કહી ધમકી આપવા લાગેલ અને આ રાજેન્દ્રસિંહ નગરપાલીકાના સદસ્ય અને કારોબારી ચેરમને હોય અને હાલ શાસક પક્ષના નેતા હોય જેથી અમો ડરી ગયેલ અને ત્યાંથી અમો જતા રહેલ આથી આ અંગે પોલીસ દ્વારા કાર્યવાહી કરવા, શિક્ષક અરવિંદભાઇ વોરાએ જણાવ્યું છે.

(10:33 am IST)
  • અમદાવાદના પાલડી સર્વે વિસ્‍તારમાં આંબેડકર રિવર બ્રીજની બીજી બાજુ કેન્‍દ્ર સરકારના ઉડ્ડયન ખાતાને જમીન સોંપવામાં આવી છે : અમદાવાદ કોર્પોરશનની સ્‍ટેન્‍ડીંગ કમીટીએ સી પ્‍લેન સર્વિસ માટે સાબરમતી રીવરફ્રન્‍ટ ઉપર વોટર એરોડ્રામ બનાવવા ૪૦૪૭ ચોરસ મીટર જમીન ફાળવી આપી છે : આ વોટર એરોડ્રામનો પ્રારંભ ૩૧ ઓકટોબરે નરેન્‍દ્રભાઈના હસ્‍તે થાય તેવી સંભાવના છે : આ માટે કોન્‍ક્રીટ પ્‍લેટફોર્મ સાબરમતી રીવરફ્રન્‍ટ તરફ રવાના કરવામાં આવ્‍યુ છે : સ્‍પાઈસ જેટ વિમાની સેવા સાબરમતી રીવરફ્રન્‍ટથી સરદાર સરોવર વચ્‍ચે સી પ્‍લેનની સર્વિસ ઓપરેટ કરશે access_time 5:56 pm IST

  • ઉધ્ધવ સે 'પંગા'? કંગના રનૈાત વિરૂધ્ધ પોલીસ ફરીયાદ :અપમાનજનક ભાષાનો ઉપયોગ કર્યો હોવાનો મૂકાયો આરોપ :બોલિવૂડ અભિનેત્રી કંગના રનૌત અને મહારાષ્ટ્રના મુખ્યમંત્રી ઉદ્ઘવ ઠાકરેની વચ્ચેનો વિવાદ વધતો જઈ રહ્યો છે. કંગના સતત ઉદ્ઘવ અને શિવસેના ઉપર હુમલો કરી રહી છે. તો બીજી તરફ મુંબઈની બાક્રોલી પોલીસ સ્ટેશનમાં કંગનાની વિરૂદ્ઘ આપત્ત્િ।જનક ટિપ્પણીને લઈને કેસ દાખલ કરવામાં આવ્યો છે. સીએમ ઉદ્ઘવ ઠાકરે ઉપર આપત્ત્િ।જનક ટિપ્પણી કરવામાં આવતા કેસ દાખલ કરવામાં આવ્યો છે access_time 3:52 pm IST

  • દેશમાં કોરોનાનો વિસ્ફોટ :છેલ્લા 24 કલાકમાં રેકોર્ડબ્રેક 95,529 નવા પોઝીટીવ કેસ નોંધાયા : વધુ 1168 લોકોના મોત : રાત્રે 12 વાગ્યા સુધીમાં નવા 95,529 કેસ વધ્યા: કુલ કેસની સંખ્યા 44.62.965 થઇ : 9,18,185 એક્ટીવ કેસ :વધુ 73,057 દર્દીઓ સાજા થતા કુલ 34,69,084 રિકવર થયા : વધુ 1168 લોકોના મોત સાથે મૃત્યુઆંક 75,091 થયો access_time 12:45 am IST