Gujarati News

Gujarati News

News of Thursday, 10th September 2020

યુવક ઉપરના હુમલાના વિરોધમાં ગોંડલનું મોવિયા ગામ સતત બીજા દિવસે સ્વયંભુ બંધ

આરોપીઓને ઝડપી લઇને કડક સજા કરવા ગ્રામજનોની માંગ

ગોંડલ : તસ્વીરમાં આજે સતત બીજા દિવસે મોવિયા બંધ રહ્યુ તે નજરે પડે છે. (તસ્વીર : ભાવેશ ભોજાણી -ગોંડલ)

(જીતેન્દ્ર આચાર્ય - જયસ્વાલ ન્યુઝ દ્વારા) ગોંડલ તા. ૧૦ :.. ગોંડલના મોવિયામાં સુરેશ પરસોતમભાઇ ભલાળા ઉપર ૮ શખ્સોના હુમલાના વિરોધમાં આજે મોવિયા ગામ સતત બીજા દિવસે બંધ રહ્યું છે.

ગોંડલ તાલુકાના મોવિયા ગામે રહેતા સુરેશભાઈ પરસોત્ત્।મભાઈ ભલાળા દ્વારા પોતાની ઘોઘાવદર જતા રસ્તા પર વારસાઈ જમીન આવેલી હોય અને ત્યાં વ્યાપક પ્રમાણમાં દબાણો થયેલું હોય તે દૂર કરવા ગ્રામપંચાયતમાં રજૂઆત કરવામાં આવી હોય જેનો ખાર રાખી રાજુ હેમુભાઈ ઝાપડા, ભરત જીલુભા ટારીયા, જસા પાંચાભાઇ ટારીયા, ગોબર દેવશીભાઇ લાંબરીયા, લાલજી બટુકભાઈ ટોટા, મેરુ મૂળજીભાઈ ઝાપડા, અજય ગાડુ ભાઈ ઝાપડા અને મૈસુર બધાભાઈ ઝાપડા દ્વારા લોખંડની કુંડલી વાડી લાકડીઓ થી જીવલેણ હુમલો કરાતા ગંભીર રીતે ઘવાતાં સારવાર માટે હોસ્પિટલે ખસેડાયા હતા જયાં પોલીસ ફરિયાદ નોંધાવતા પોલીસે આઈપીસી કલમ ૧૪૩ ૧૪૪ ૧૪૭ ૧૪૮ ૧૪૯ ૩૨૪ ૩૨૫ ૩૨૬ ૩૫૨ ૨૯૪ ૫૦૬ ૨ તેમજ જી પી એકટ કલમ ૧૩૫ મુજબ ગુનો નોંધી વધુ કાર્યવાહી હાથ ધરી હતી.

એક સપ્તાહ પહેલાં પણ યુવાનો વચ્ચે તણખલા જરીયા હોય બાદમાં બંને એક જ્ઞાતિના તેમજ ગામના આગેવાનો દ્વારા સમાધાન કરવામાં આવ્યું હતું તેમ છતા પણ ફરીથી યુવાન પર હુમલો થતા ઘેરા પ્રત્યાઘાતો પડયા હતા જેના પરિણામે બુધવાર અને ગુરૂવાર એમ બે દિવસ મોવિયા ગામ સજ્જડ બંધ રહેનાર છે કોઈ અનિચ્છનીય બનાવ ન બને તે માટે તાલુકા પોલીસ દ્વારા ચુસ્ત બંદોબસ્ત ગોઠવાયો હતો બંધના પગલે મોવિયાની બજારો સૂમસામ ભાસી રહી હતી મેડિકલ સ્ટોર અને બેંક સિવાય તમામ દુકાનો બંધ રહેવા પામી હતી ગ્રામજનો દ્વારા આરોપીઓ વિરુદ્ઘ સઘન કાર્યવાહી કરવામાં આવે તેવી માંગ કરવામાં આવી હતી.  મોવીયા ગામની સમગ્ર જનતાને મોવિયાના સરપંચ વાઘજીભાઇ પડાળીયાએ અપીલ કરી છે કે મોવીયા ગામની અંદર સામાન્ય બાબતમાં બે જ્ઞાતી વચ્ચે સંઘર્ષ ઉભો થતા મોવીયા ગામની સાણી અને સમજુ પ્રજાએ આ બાબતે રાજકીય સ્વરૂપ ન આપવા તેમજ ગુંડાગીરીને પણ સાખી લેવાશે નહી તેમ જણાવ્યું છે. 

(11:08 am IST)
  • સરહદ ઉપર ટેન્સન વધતું જ જાય છે? અરૂણાચલની સરહદે આખું ગામ ખાલી થઇ ગયું : અરૂણાચલ પ્રદેશના તવાંગ નજીકથી મેકમોહન લાઇન નજીકના ગ્રામજનોએ તેમનું ગામડું ખાલી કરી નાખ્યું હોવાનું ઇસ્ટમોજો જણાવે છે. અરૂણાચલ પ્રદેશના ઝેમીથાંગ સર્કલથી ૩૦ કી.મી. દૂર સરહદે આવે તાકસાંગ નામનું ગામ છોડીને ગ્રામજનો ભાગી ગયા છે. access_time 11:31 am IST

  • ડોનાલ્‍ડ ટ્રમ્‍પના હુકમના આધારે અમેરીકાએ ૧૦૦૦ ચીની નાગરીકોના વીઝા પુનઃ સ્‍થાપિત કર્યા છે access_time 5:55 pm IST

  • ક્રિકેટ જગતના પિતામહ રણજીતસિંહનો આજે જન્મદિવસ : 10 સપ્ટે. 1872 ના રોજ જન્મ થયો હતો : તેમના નામે દેશમાં રણજી ટ્રોફી રમાય છે.અકસ્માતે એક આંખ ગુમાવતા ફર્સ્ટ ક્લાસ ક્રિકેટમાંથી નિવૃત્તિ લીધી હતી access_time 11:45 am IST