Gujarati News

Gujarati News

News of Thursday, 10th September 2020

હળવદમાં ૪૩૦ એકટીવ સર્વેલન્સ ટીમો કોવિડ-૧૯ સર્વેની કામગીરી કરશે

શહેર અને ગ્રામ્ય વિસ્તારમાં પલ્સ ઓકસીમીટરથી ચકાસણી હાથ ધરાશે

(દીપક જાની દ્વારા) હળવદ,તા.૧૦: શહેર અને ગ્રામ્ય વિસ્તારોમાં સતત વધતા કોરોના સંક્રમણને નિયંત્રણમાં લેવા ઘરે-ઘરે જઈને ૪૩૦ ટીમો દ્વારા પલ્સ ઓકસીમીટરથી ચકાસણીની કામગીરી હાથ ધરવામાં આવી છે. સમગ્ર સર્વેની કામગીરીનો અહેવાલ આસીસ્ટન્ટ કલેકટર ગંગાસીંઘ દ્વારા સમિક્ષા પણ કરવામાં આવશે.

હળવદમાં વધી રહેલા કોરોનાના સંક્રમણને નિયંત્રણ કરવા માટે વિવિધ પગલાંઓ લેવાઇ રહ્યા છે ત્યારે હળવદના ગ્રામ્ય વિસ્તારો અને શહેરી વિસ્તારોમાં વોર્ડ વાઇઝ એકટીવ સર્વેલન્સ ટીમો દ્વારા ચકાસણી હાથ ધરવામાં આવી રહી છે. કોરોનાને નિયંત્રણ કરવા માટે એકટીવ સર્વેલન્સની ટીમો દ્વારા શહેર અને ગ્રામીણ વિસ્તારોમાં જુદી જુદી જગ્યાએ કાર્યરત કરાઈ છે. આ એકટીવ સર્વેલન્સ ટીમો દ્વારા ઘરે-ઘરે જઈને કોરોનાનો સર્વે શરૂ કરી દેવામાં આવ્યો છે. આ ટીમો દ્વારા ઓછામાં ઓછા સર્વેના ૧૦ રાઉન્ડ કરવામાં આવશે.ઙ્ગ

હળવદ શહેરી વિસ્તારો ઉપરાંત ઉપરાત ગ્રામ્ય વિસ્તારના સર્વે કરવા માટે ૪૩૦ એકટીવ સર્વેલન્સ ટીમોની રચના કરાઇ છે. એકટીવ સર્વેલન્સ ટીમમાં આશા વર્કર, મેલ હેલ્થવર્કર, ફીમેલ હેલ્થવર્કર, મધ્યાહન ભોજનના સંચાલકો, શિક્ષકો, મલ્ટી પર્પઝ હેલ્થવર્કર વગેરે દ્વારા ગ્રામ્ય વિસ્તારમાં સર્વે કરવામાં આવશે. સર્વેની આ કામગીરી ૩૦ સપ્ટેમ્બર સુધી ચલાવવામાં આવશે. આસિસ્ટન્ટ કલેકટર ગંગા સિંઘના માર્ગદર્શન હેઠળ ચાલી રહેલ સર્વેલન્સની ટીમોની કામગીરીમાં કોઇ કચાશ ન રહે તે માટે ચોક્કસ દિશા-નિર્દેશો આપવામાં આવ્યા છે.

સર્વે કરવા આવતી ટીમને સહકાર આપવા અપીલ : આસિસ્ટન્ટ કલેકટર..

હળવદ શહેર તેમજ ગ્રામ્ય વિસ્તારમાં ઘરે-ઘરે જઈ એક-એક વ્યકિતનું આરોગ્યનું સર્વે કરવામાં આવી રહ્યું છે સાથે જો કોઈ વ્યકિત શંકાસ્પદ જણાય તો તેને સ્થળ પર અથવા જરૂર જણાય તો હોસ્પિટલ ખાતે સારવાર આપવામાં આવશે સાથે વધુમાં કોઈપણ વ્યકિતને તાવ, માથું દૂૅંખવુ,શરદી કે પછી કોઈ અન્ય કોરોનાને લગતા લક્ષણો હોય તો તેઓએ હોસ્પિટલ ખાતે ચકાસણી કરાવવા આસિસ્ટન્ટ કલેકટર દ્વારા અપીલ કરવામાં આવી છે તેમજ શહેર અને ગ્રામ્ય વિસ્તારમાં જે સર્વે માટેની ટીમો બનાવવામાં આવી છે તે ટીમોને લોકો સાથ સહકાર આપે તે પણ અપીલ કરાઇ છે. શહેર-ગ્રામ્ય વિસ્તારમાં જે સર્વે માટેની ટીમો બનાવી છે તેમાં ૧૦ ટીમ પર એક સુપરવાઇઝરની નિમણુક કરવામાં આવી છે.

(11:36 am IST)
  • સુરતમાં ધોધમાર વરસાદ :સુરત શહેરમાં છેલ્લી અડધી કલાકથી ઘોર દોડ સહિત સંખ્યાબંધ વિસ્તારોમાં વિજળીના કડાકા ભડાકા સાથે ભારે વરસાદ ચાલુ છેે: ફરી ચોમાસુ જામ્યું હોય તેવો માહોલ સર્જાયા હોવાનું સુરતથી કુશલ ઠકકરે જણાવ્યુ છે. access_time 3:53 pm IST

  • પાકિસ્તાનમાં કલાકારોના ઘરનું ડિમોલિશન નથી થતું : મહેરબાની કરી તમારા વિવાદમાં અમારા દેશને ન સંડોવો : કંગના રનૌતની 48 કરોડ રૂપિયાની ઓફિસનું મુંબઈ મહાપાલિકાએ ડિમોલિશન કરતા તેણે મુંબઈની સરખામણી પાકિસ્તાન સાથે કરી હતી : પાકિસ્તાની પત્રકાર મહિલા મેહર તરારે વાંધો ઉઠાવતા વિવાદમાં ફસાઈ access_time 12:34 pm IST

  • આજે બપોરે સેન્‍સેકસ ૬૪૬ પોઈન્‍ટના ઉછાળા સાથે ૩૮,૮૪૦ ઉપર બંધ રહેલ : નીફટીમાં ૧૭૧ પોઈન્‍ટનો મોટો ઉછાળો આવ્‍યો હતો અને ૧૧,૪૪૯ એ બંધ રહ્યો છે : સોનાનો ભાવ ૫૧,૨૨૬ હતો જયારે ચાંદીનો ભાવ ૬૫,૫૭૯ રહ્યાનું સી.કે. ફાયનાન્‍શીયલ્‍સે જણાવ્‍યુ છે access_time 5:54 pm IST