Gujarati News

Gujarati News

News of Friday, 11th June 2021

વાવાઝોડા-વરસાદમાં મીઠાને થયેલ નુકસાનીનું તાકીદે વળતર આપો: મોરબી જિલ્લા પંચાયત પ્રમુખની મુખ્યમંત્રીને રજુઆત

મોરબી : તાઉ-તે વાવાઝોડા લીધે મીઠાને થયેલ નુકસાનીનું તાકીદે વળતર આપવા મોરબી જિલ્લા પંચાયત પ્રમુખ ચંદુલાલ શિહોરા દ્વારા મુખ્યમંત્રી વિજયભાઈ રૂપાણીને લેખિત રજૂઆત કરવામાં આવી છે.
 આ રજુઆતમાં જણાવાયા અનુસાર ગત તા.18 મેના રોજ તાઉતે નામના વાવઝોડાના લીધે ભારે પવન અને વરસાદથી ગુજરાતના મોટા ભાગમાં નુકસાની સર્જેલ છે. તેવી જ રીતે મોરબી જીલ્લાના હળવદ અને માળીયા (મી.) તાલુકામાં તેમજ રણકાંઠા વિસ્તારના અગરીયાઓને પણ મોટું નુકસાન થયેલ છે. આ વિસ્તારના મીઠું પકવતા લોકોની મુલાકાત દરમ્યાન જાણવા મુજબ વાવાઝોડાના કારણે લાખો ટન મીઠાનું ધોવાણ થયેલ છે. તેમજ તેઓના રહેઠાણને મોટા પાયે નુકસાન થયેલ છે અને તેનું સર્વે પણ સબંધીત સંસ્થા/કચેરી દ્વારા થયેલ છે. પરંતુ નુકસાન ખુબ જ મોટા પ્રમાણ થયેલ હોય જેને ધ્યાને લઇ મોરબી જીલ્લાનાં હળવદ અને માળીયા (મી.) તેમજ રણકાંઠાના અગરીયા વિસ્તારના લોકોને યોગ્ય વળતર મળે તેવી વિનંતી કરાઈ છે.

(9:24 am IST)
  • રાજસ્થાનના કલાકારો માટે ગેહલોત સરકારનો મોટો નિર્ણય : આર્થિક રીતે નબળા કલાકારોની મદદ મળશે : 5 હજાર રૂપિયાની વન-ટાઇમ સહાય આપવામાં આવશે : કલાકાર કલ્યાણ ભંડોળ તરફથી સહાય આપવામાં આવશે : 2 હજાર જરૂરિયાતમંદ કલાકારોને સહાય મળશે access_time 9:44 pm IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST

  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST