Gujarati News

Gujarati News

News of Friday, 11th June 2021

દિલ્હી ની કુખ્યાત ગોગી ગેંગનો શાર્પ શૂટર મોહિત જાટ કચ્છમાંથી ઝડપાયો

ગાંધીધામમાં ૫ મહિનાથી રહેતો રહેતો ગેંગસ્ટર મોહિત જાટ : ૧૫ ગંભીર ગુનાઓ સાથે દિલ્હી, હરિયાણામાં ગોગી ગેંગનો આંતક

(વિનોદ ગાલા દ્વારા)ભુજ,તા. ૧૧ : દિલ્હી પોલીસ અને પૂર્વ કચ્છ પોલીસે કુખ્યાત ગોગી ગેંગના ગેંગસ્ટર મોહિત જાટને ઝડપી પાડ્યો છે. દિલ્હી અને હરિયાણામાં જીતુ ગોગી ગેંગ ઉપર ૧૫ જેટલા ગંભીર ગુનાઓ નોંધાયેલા છે. પોલીસે ઝડપેલ મોહિત જાટ એ ગોગી ગેંગનો શાર્પ શૂટર છે.

હરિયાણા પાણીપતના પણસીનો રહેવાસી મોહિત જાટ ૨૦૨૦માં દિલ્હી સ્પેશ્યલ સેલના ગુનામાં ફરાર હતો. વિવિધ ગુનાઓ સાથે ગુનાહિત ઇતિહાસ ધરાવતો મોહિત જાટે છેલ્લા પાંચ મહિનાથી ગાંધીધામ કોમ્પલેક્ષ મધ્યે આશરો લીધો હતો. પોલીસે ગાંધીધામ અંજાર હાઈવે ઉપર આવેલ મેદ્યપર બોરીચીની નિર્મલ નગર સોસાયટીમાં થી શાર્પ શૂટર મોહિત જાટ ને ઝડપી પાડ્યો હતો. અહીં તે તેના મિત્રને દ્યેર રહેતો હતો.

જોકે, કચ્છના ગાંધીધામ કંડલા કોમ્પલેક્ષ ઉપર યુપી, બિહાર, દિલ્હી અને પંજાબ હરિયાણાના ગેંગસ્ટરોની હંમેશા નજર રહી છે.

(10:26 am IST)
  • RBI મોટો નિર્ણય : એટીએમ ટ્રાન્ઝેક્શન પર ચાર્જ વધાર્યો : એકવાર મફત ટ્રાન્ઝેક્શનની મર્યાદા પૂરી થઈ ગયા પછી, ગ્રાહકોને બીજા દરેક એટીએમ ટ્રાન્ઝેક્શન દીઠ 21 રૂપિયા ચાર્જ લેવામાં આવશે, આ સાથે 01 જાન્યુઆરી 2022 થી આ ચાર્જ પર ટેક્સ પણ વસુલાશે તેમ જાણવા મળે છે. (ન્યૂઝફર્સ્ટ) access_time 8:12 pm IST

  • હવે રાજ્યપાલોની ફેરબદલી અને નિમણૂકોનો દોર આવી રહ્યો છે અડધો ડઝન રાજ્યપાલોની નિમણૂકો માટેનો તખ્તો તૈયાર થઈ ગયાનું જાણવા મળે છે. હાલના એકથી બે ગવર્નરોને અન્ય રાજ્યોમાં ફેરવવામાં આવે તેવી પણ શક્યતા આવો ચર્ચાઈ રહી છે.. access_time 8:58 pm IST

  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST