Gujarati News

Gujarati News

News of Friday, 11th June 2021

વડિયા પોલીસની તવાઇ : એક જ દિવસમાં ડમડમ હાલતમાં સાત ઝડપાયા

(ભીખુભાઇ વોરા દ્વારા)વડિયા, તા.૧૧ : અમરેલી જિલ્લામાં પોલીસના કડક વલણથી કાયદો અને વ્યવસ્થા ની સ્થિતિ સમગ્ર જિલ્લામાં મજબૂત બની છે. ત્યારે વડિયા એ ત્રણ જિલ્લાનો સરહદી વિસ્તાર હોવાથી ગ્રામીણ વિસ્તારમાં દેશી દારૂનું દૂષણ ડામવા માટે વડિયા પોલીસ સતર્ક બનીને દારૂડિયાઓ પર તવાઈ બોલાવતી જોવા મળી છે. એક જ દિવસમાં વડિયા સહીત ગ્રામીણ વિસ્તારમાં પેટ્રોલિંગમાં સાત દારૂડિયાને ડમડમ હાલતમાં ઝડપ્યા હતા. આ દારૂડિયાઓમાં વિક્રમ નાનજીભાઈ ઝીંઝુવાડિયા -વડિયા, વિપુલ કાંતિભાઈ વિકાણી -વડિયા, વિક્રમ ટપુભાઈ વાઘેલા - હનુમાન ખીજડીયા, હરેશ કનુભાઈ કાવઠીયા -વડિયા, વિપુલ મનસુખભાઇ રાઠોડ -કુંકાવાવ, જેન્તી કરસનભાઈ ખાખડીયા વિરુદ્ઘ ગુનો નોંધી કાર્યવાહી કરવામાં આવતા દારૂડિયાઓમાં ફફડાટ વ્યાપ્યો હતો.

(10:27 am IST)