Gujarati News

Gujarati News

News of Friday, 11th June 2021

સાવરકુંડલા પંથકમાં પ્રથમ વરસાદથી જ શેલ દેદુમલ ડેમ ઓવરફલો

આંબરડી ગામમાં ટ્રેકટર ટ્રોલી તણાયાઃ અનેક નદીઓમાં ઘોડાપુરઃ રાજકોટ સહિત સૌરાષ્ટ્ર-કચ્છમાં સવારથી ધુપ-છાંવ

સાવરકુંડલા પંથકમાં પડેલ વરસાદમાં ટ્રેકટરની ટ્રોલી, પશુઓ તણાયા હતા તથા ડેમ ઓવરફલો થયો હતો. તે તસ્વીરમાં નજરે પડે છે. નીચેની તસ્વીરમાં જસદણમાં પડેલ વરસાદ નજરે પડે છે. (તસ્વીરઃ દિપક પાંધી (સાવરકુંડલા), હુસામુદીન કપાસી-જસદણ)

રાજકોટ તા. ૧૧: રાજકોટ સહિત સૌરાષ્ટ્ર-કચ્છમાં છેલ્લા થોડા દિવસોથી ચોમાસાની એન્ટ્રી થઇ ગઇ છે અને કોઇ જગ્યાએ ભારે તો કોઇ જગ્યાએ હળવો વરસાદ વરસી જાય છે.

ગઇકાલે અમરેલી જીલ્લાના સાવરકુંડલા પંથકમાં ધોધમાર વરસાદ વરસ્યો હતો અને આંબરડી ગામમાં ટ્રેકટર ટ્રોલી તણાયા હતા. જયારે શેલ દેદુમલ ડેમ ઓવરફલો થઇ ગયો હતો. આજે સવારથી રાજકોટ સહિત સૌરાષ્ટ્ર-કચ્છમાં ધુપ-છાંવનો માહોલ યથાવત છે અને બફારો થઇ રહ્યો છે.

સાવરકુંડલા

(દિપક પાંધી દ્વારા) સાવરકુંડલા : ગુજરાતમાં વલસાડથી નૈઋત્યનાં ચોમાસાએ પ્રવેશ કર્યો છે. ત્યારે સૌરાષ્ટ્રમાં પ્રિમોન્સુન એકટીવીટીનાં ભાગરૂપે રવિવાર થી હળવો - ભારે વરસાદ વરસી રહયો છે. તેમાં ગઇકાલે ગુરૂવારે બપોરે દોઢ વાગ્યાથી સાવરકુંડલા શહેર અને ગ્રામ્ય પંથકમાં જોરદાર વરસાદ વરસવો શરૂ થયો હતો, ગ્રામ્ય વિસ્તારમાં તો ચારેક ઇંચ જેટલો વરસાદ વરસી જતા તાબાનાં આંબરડી ગામે બજારમાં વરસાદે પાણી નદીના પુર માફક ફરી વળતા બજારમાં રહેલુ ટ્રેકટર ટ્રોલી સહિત તણાયુ હતું તો ત્રણેક પશુ પણ પાણીના ભારે પ્રવાહમાં તણાયા હતા, જો કે સદનસીબે આગળ જતા ટ્રેકટર અને પશુઓ કાંઠે આવી જતા કોઇ જાનહાની થઇ નથી આવી જ રીતે સાવરકુંડલાનાં ઉપરવાસમાં પણ જોરદાર વરસાદથી નાવલી નદીમાં ઉપરવાસ આવેલા પાંચેય ચેક ડેમ ભરાઇ જતા નાવલી નદીમાં ચાર દિવસમાં બીજી વખત પુર આવતાં નદી બજારમાં બેસતા વેપારીઓમાં ચિંતાની લાગણી ફેલાયેલી, સાવરકુંડલાની આથમણી દિશામાં શેલ-દેદુમલ ડેમનાં જળસ્ત્રાવ વિસ્તારમાં ભારે વરસાદથી શેલદેદુમલ ડેમ ઓવરફલો થતા ડેમની સપાટી જાળવી રાખવા ચોમાસાની શરૂઆતમાંથી ડેમનાં બે દરવાજા ખોલવામાં આવ્યા હતાં. જેના કારણે તાબાનાં નેસહી ગામેથી પસાર થતી શેલ નદીમાં ભારે પુર આવ્યુ હતું.  આજ સવારથી પણ વાતાવરણ વાદળછાયુ હોય વરસાદની શકયતા રહેલી ેછે.

જસદણ

(હુસામુદીન કપાસી દ્વારા) જસદણઃ જસદણમાં ગુરુવારે સાંજે આખા દિવસના સખત ઉકળાટ બાદ એક ઇંચ જેટલો વરસાદ પડતાં વાવણી કરેલ અને ન કરેલ ખેડૂતોમાં ખુશીનો માહોલ સર્જાયો હતો આજના વરસાદથી માર્કેટયાર્ડમાં અનેક જણસી પલળી ગઇ હતી.

(11:40 am IST)
  • કોરોના એ સરકારનું ષડયંત્ર છે : મુસ્લિમોની વધી રહેલી જનસંખ્યા મહા વિનાશ સર્જશે : હિંદુઓ પાંચથી છ બાળકો પેદા કરે : મથુરાના ડાસના દેવી મંદિરના મહંત સ્વામી યતિ નરસિંહાનંદ સરસ્વતીનું વિવાદિત નિવેદન access_time 7:58 pm IST

  • એક લાખ કરોડ રૂપિયાના IL&FS કૌભાંડમાં માસ્ટર માઈન્ડ અને ઈન્ફ્રાસ્ટ્રક્ચર લીઝિગ એન્ડ ફાઈનાન્સિયલ સર્વિસ પૂર્વ ચેરમેન રવિ પાર્થશારથીની ધરપકડ : ચેન્નાઈ પોલીસની અપરાધ શાખા એ ધરપકડ કરી :ઈકોનોમિક ઓફિસ (EOW)એ કહ્યું કે પૂર્વ ચેરમેન રવિ પાર્થસારથીના નેતૃત્વમાં IL&FS ફ્રોડ કરવાનું મુખ્ય મથક બની ગયું હતું. access_time 12:41 am IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST