Gujarati News

Gujarati News

News of Friday, 11th June 2021

ચોટીલા પાસે 'હિટ એન્ડ રન'માં ઘવાયેલા વલ્લભ વિદ્યાનગરના ચાવાળા કરસનભાઇ કારીયાનું મોત

વૃધ્ધ રાજકોટ રહેતાં પોતાના ભાણેજને મળવા આવી રહ્યા'તાં

રાજકોટ તા. ૧૧: ચોટીલા નજીક જલારામ મંદિર પાસે હાઇવે પર હિટ એન્ડ રનના બનાવમાં ઘવાયેલા વલ્લભ વિદ્યાનગરના વૃધ્ધ કરસનભાઇ ગોપાલભાઇ કારીયા (ઉ.વ.૬૫)નું મોત નિપજ્યું હતું.

જાણવા મળ્યા મુજબ વલ્લભ વિદ્યાનગરમાં રહેતાં કરસનભાઇ કારીયા તા. ૯ના રોજ બાઇક હંકારીને રાજકોટ રહેતાં ભાણેજના ઘરે આટો મારવા આવી રહ્યા હતાં ત્યારે ચોટીલા નજીક અજાણ્યા વાહનનો ચાલક ઠોકરે લઇ ભાગી ગયો હતો. ગંભીર ઇજા થતાં કરસનભાઇને રાજકોટ સિવિલમાં ખસેડાયા હતાં. અહિ આજે વહેલી સવારે તેમનું મોત નિપજ્યું હતું.

મૃત્યુ પામનાર છ ભાઇમાં ચોથા હતાં અને વલ્લભ વિદ્યાનગર ખાતે એક ભાઇ સાથે રહી ચાનો થડો ચલાવતાં હતાં. બનાવથી પરિવારમાં શોક છવાઇ ગયો હતો.

(11:41 am IST)
  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST

  • મહારાષ્ટ્ર ના રાજકારણમાં ગરમાવો : ગઈકાલે CM ઠાકરેની PM મોદી સાથેની મુલાકાત બાદ શિવસેના ના સંજય રાઉતે PM મોદી ના ખૂબ વખાણ કર્યા બાદ આજે NCP સુપ્રીમો શરદ પવારે, રાજકારણના વીખ્યાત સ્ટ્રેટેજિસ્ટ પ્રશાંત કિશોરને પોતાના ઘરે લંચ માટે આમંત્રણ આપતા અનેક તર્ક - વિતર્ક પર ચર્ચાઓ શરૂ થઈ ગઈ છે. (ન્યૂઝફર્સ્ટ) access_time 9:55 am IST

  • સીનીયર ક્લાર્ક માટેની પરીક્ષા ૩૧ જુલાઈએ લેવાશે : ગૌણ સેવા પસંદગી મંડળે સીનીયર ક્લાર્કની પરીક્ષા માટેની તારીખ જાહેર કરી દીધી. હવે ૩૧ જુલાઈએ લેવાશે સીનીયર ક્લાર્ક માટેની પરીક્ષાઓ લેવાશે. અગાઉ ૨૪ જુલાઈનુ આયોજન હતુ પરંતુ હવે તે તારીખ થોડી પાછી લઈ જાય અને ૩૧ જુલાઈ કરવામાં આવી છે. access_time 9:53 pm IST