Gujarati News

Gujarati News

News of Friday, 11th June 2021

થાનમાં ખરખરો કરી પાછા આવતી વખતે છોટાહાથીએ બાઇકને ઉલાળ્યું: ગભરૂભાઇનું મોત, મોટાભાઇને ઇજા

અમરાભાઇ અને ગભરૂભાઇને રાજકોટ ખસેડાયાઃ પણ એક ભાઇનો જીવ ન બચી શકયો

રાજકોટ તા. ૧૧: થાન પરમેશ્વર પ્લોટમાં રહેતાં બે ભરવાડ બંધુ નજીકના ગુંદાખડા ગામે કુટુંબી સગાને ત્યાં ખરખરો કરીને આવતાં હતાં ગામની મામલતદાર ઓફિસ પાસે બાઇકને છોટાહાથીએ ઠોકરે લેતાં બાઇકસ્વાર બે ભાઇઓને ગંભીર ઇજા થતાં સારવાર માટે રાજકોટ સિવિલમાં ખસેડાયા હતાં. પરંતુ અહિ એક ભાઇનું મોત નિપજ્યું હતું. બીજા સારવાર હેઠળ છે.થાન રહેતાં અમરાભાઇ હીરાભાઇ પરમાર (ઉ.વ.૬૦) તથા ગભરૂભાઇ હીરાભાઇ પરમાર (ઉ.વ.૫૬) ગઇકાલે ગુંદાખડા ગામે સગાને ત્યાં કુટુંબી સગાને ત્યાં ખરખરો કરવા ગયા હતાં. ત્યાંથી બંને ભાઇ બાઇક પર પાછા પોતાના ઘરે આવી રહ્યા હતાં ત્યારે મામલતદાર ઓફિસ પાસે છોટાહાથી વાહનની ઠોકરે ચડી જતાં બંને ભાઇઓને ઇજાઓ થતાં થાન સારવાર લઇ રાજકોટ ખસેડાયા હતાં. પરંતુ અહિ ગભરૂભાઇનું સારવાર દરમિયાન મૃત્યુ થયું હતું. હોસ્પિટલ ચોકીના સ્ટાફે થાન પોલીસને જાણ કરી હતી. મૃત્યુ પામનાર ગભરૂભાઇ છ ભાઇ અને ત્રણ બહેનમાં વચેટ હતાં અને ટ્રેકટરના ફેરાનું કામ કરતાં હતાં. સંતાનમાં ચાર પુત્ર છે. બનાવથી પરિવારમાં શોક વ્યાપી ગયો હતો.

(11:42 am IST)
  • સુપ્રીમ કોર્ટે AIIMS દ્વારા લેવાતી INI CET પરીક્ષા 2021 ને, કોરોના પરિસ્થિતિના કારણે, એક મહિના માટે મુલતવી રાખવાનો આદેશ આપ્યો છે. કોર્ટે સ્પષ્ટતા કરી છે કે, આ પરીક્ષા, જે 16 જૂને યોજાવાની હતી, હવે એક મહિનાની સમાપ્તિ પછી કોઈપણ સમયે યોજી શકશે. access_time 1:32 pm IST

  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • દેવભૂમિ દ્વારકા જિલ્લાના ખંભાળિયા તાલુકામાં બે દિવસથી ભેદી ધડાકા : રાત્રીના સમયે ભેદી ધડાકાઓથી લોકોમાં ફફડાટ. :ધડાકાઓનું કારણ હજુ સુધી જાણવા મળ્યું નથી :ધડાકા સાથે જમીન ધ્રુજી ઉઠે છે છતાં તંત્ર અજાણ : પ્રાંત અધિકારીએ ધડાકા અંગે તપાસના આદેશ આપ્યા access_time 12:08 am IST