Gujarati News

Gujarati News

News of Friday, 11th June 2021

૩૮ થી વધુ ગામો ધરાવતા લોધિકા તાલુકામાં માર્કેટિંગ યાર્ડ કે કોઇ ઔદ્યોગિક વસાહત નથી !

(બી.એમ.ગોસાઇ દ્વારા) ખીરસરા,તા. ૧૧ : લોધિકા - લોધિકા તાલુકો ૩૮ થી વધુ ગામોને આવરી લેતો તાલુકો છે, પરંતુ આ લોધિકા ગામમાં વિકાસના નામે મીંડું છે , આ ગામ માં વિકાસની વાત કરીએ તો રાજકોટ જીલ્લા નો એક માત્ર લોધિકા તાલુકો એવો છે જયાં માર્કેટિંગ યાર્ડ નથી કે નથી આધોગિક વસાહત, ફરજીયાત પણે આ ગામના ખેડૂતોને આસપાસના અન્ય તાલુકાના માર્કેટિંગ યાર્ડનો સહારો લેવો પડે છે, આસ પાસના તમામ ગામના લોકો ખેતી આધારિત હોઈ ખેડૂતોને રોજગારીની આવક એક માત્ર ખેતી છે, ત્યારે આ ગામના લોકોની માંગ છે કે રાજકોટમાં આવતી અમુલ ફેકટરી જે આણંદ પુર - નવાગામ ખાતે જગ્યા પસંદ કરવામાં આવીએ ફેકટરીને લોધિકા ગામની ખરાબાની જમીન માં પસંદગી કરવામાં આવે અથવા આ તાલુકા માં માર્કેટિંગ યાર્ડ અથવા જી.આઈ.ડી.સી ફાળવવામાં આવે જેથી કરીને આસપાસના ગામના લોકોને રોજગારીની તકો મળી રહે સાથે ખેડૂતો એમનો માલ ત્યાં જ વેચી શકે માટે લોધિકા તાલુકાને વેગવંતો તાલુકો કરવાની અનિવાર્યતા જરૂરી છે, આવિ લોધિકા ગામના લોકોની લોકમાંગ ઉઠી રહી છે.

રાજકોટ જીલ્લાના લોધિકા તાલુકામાં આવતા  ૧. મેટોડા, ૨. ખીરસરા,૩. નાદ્યુ પીપળીયા, ૪. કોઠા પીપળીયા, ૫. જેતાકુબા, ૬. પીપરડી, ૭. દેવડા, ૮.અભેપર - રતનપર, ૯.છાપરા, ૧૦.નગરપીપળીયા, ૧૧.ઉંડ ખીજડીયા, ૧૨.દેવ ગામ ,૧૩.પાંભર ઇટાળા, ૧૪.ચાંદલી, ૧૫.ચીભડા, ૧૬.પાળ ,૧૭.રાવકી , ૧૮.લોધિકા , ૧૯.વાગુદડ, ૨૦.કાંગશીયાળી,૨૧.પારડી, ૨૨.તરવડા, ૨૩.વાજડી વડ, ૨૪.વીરવા, ૨૫.પીપળીયા - પાળ, ૨૬.હરીપર - પાળ , ૨૭.રાતેયા ,૨૮.સાંગણવા, ૨૯.જશવંતપુર, ૩૦.મોટા વડા, ૩૧.લક્ષ્મીઇટાળા, ૩૨.ખાંભા, ૩૩.ધૂળિયા દોમડા, ૩૪.હરીપર - ત ૩૫.તરવડા, ૩૬.માખાવડ, ૩૭.બાલસર.૩૮ હરીપર પાળ ગામો છે.

(11:48 am IST)
  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST

  • સુપ્રીમ કોર્ટે AIIMS દ્વારા લેવાતી INI CET પરીક્ષા 2021 ને, કોરોના પરિસ્થિતિના કારણે, એક મહિના માટે મુલતવી રાખવાનો આદેશ આપ્યો છે. કોર્ટે સ્પષ્ટતા કરી છે કે, આ પરીક્ષા, જે 16 જૂને યોજાવાની હતી, હવે એક મહિનાની સમાપ્તિ પછી કોઈપણ સમયે યોજી શકશે. access_time 1:32 pm IST