Gujarati News

Gujarati News

News of Friday, 11th June 2021

છ મહિનામાં એકના ચાર ગણા રૂપિયા મેળવવાની લ્હાયમાં ગોંડલના પટેલ પ્રૌઢે ૧.ર૯ કરોડની રકમ ગુમાવી !

ઠગ ટોળકીએ અશ્વીનભાઇ પટેલ સાથે હોટસએપ કોલમાંજ વાતો કરી ફસાવી આંગડીયા પેઢી અને નેટબેન્કીંગ મારફતે રૂપિયા મંગાવી છેતરપીંડી કરીઃ ઠગ ટોળકીના ૧૪ શખ્સો સામે ગુન્હો નોંધાયો : એકના ચાર ગણાની લાલચમાં અશ્વીનભાઇ પટેલે પોતાના અને કુટુંબીજનોના તથા સગાના રૂપિયા ઠગ ટોળકીને આપ દિધાઃ ઠગ ટોળકીનો એક સાગ્રીત દાનીશ પટેલ અમદાવાદમાં પકડાયો છે તેજ દાનીશ છે કે કેમ ? તે અંગે ગોંડલ પોલીસે તપાસ હાથ ધરી

રાજકોટ તા. ૧૧ : ગોંડલના પટેલે પ્રૌઢે છ મહિનામાં એકના ચાર ગણા રૂપિયા મેળવવાની લાલચમાં ૧.ર૯ કરોડ જેવી માતબર રકમ ગુમાવી છેતરપીંડીનો ભોગ બનતા ઠગ ટોળકીના ૧૪ શખ્સો સામે પોલીસમાં ફરીયાદ કરી છે.

મળતી વિગો મુજબ મુળ ગરનાળા ગામના અને હાલ ગોંડલમાં ગુંદાળા રોડ ઉપર ર૬ બ્રહ્માણી પાર્કમાં રહેતા અને ખેતીકામ કરતા અશ્વીનભાઇ વિઠ્ઠલભાઇ વિસરીયા (પટેલ) એ આરોપી દાનીશ પટેલ, કેરાજ ભાટી, આર્થવ યાજ્ઞીક, શીવા બક્ષી, અભીષેક જોસેફ એન્ટોની, કમલેશ, કૌશલ, એપલ, અલ્પેશ, કેશવ, રોહન પવાર, નિમેષ સોની, રમેશ તથા તપાસમાં ખુલે તે શખે સામે ગોંડલ સીટી પોલીસ મથકમાં ફરીયાદ કરી છે.

ફરીયાદમાં જણાવ્યા મુજબ ઉકત આરોપીઓને એક સંપકરી ગુન્હાહીત કાવત્રુ રચી ફરીયાદીને વિશ્વાસમાં લઇ જુદી-જુદી રકમ આંગડીયા પેઢીઓ તથા નેટ બેન્કીંગ મારફતે જમા કરાવડાવી કુલ ૧,ર૯,૩૩,૯૦૦ ની રકમ ઓળવી જઇ છેતરપીંડી કરી હતી.

ફરીયાદી અશ્વીનભાઇ મોબાઇલ ફોન ઉપર ઉકત ઠગ ટોળકીના સાગ્રીણ્તોએ એકના ચાર ગણા રૂપિયા છ મહિનામં આપવાની લાલચ આપતો મેસેજ કર્યો હતો ત્યારબાદ ઠગ ટોળકીના સાગ્રીતોએ વ્હોટએપ કોલ મારફત ફરીયાદી અશ્વીનભાઇ સાથે વાતચીત કરી ફસાવ્યા હતા. ફકત છ મહિનામાં એકના ચાર ગણા રૂપિયા મેળવવાની લ્હયામાં ફરીયાદી અશ્વીનભાઇએતેની પાસે રહેલ રોકડા રકમ તથા તેના પરિવારના ભાઇઓ તથા સગા વ્હાલાઓ મળી કુલ ૧.ર૯ કરોડની રકમ બે આંગડીયા પેઢી મારફત તથા નેટબેન્કીંગ મારફતે ઠગ ટોળકીને મોકલ્યા હતા બાદમાં છ મહિનાનો સમય વિત્યા છતાં રૂપિયા પરત ન આવતા અંગે રૂરલ સાઇબર ક્રાઇમમાં ફરીયાદ કરી હતી અને બાદમાં ઉકત ઠગ ટોળકી સામે ગઇકાલે ગુન્હો દાખલ કરાયો હતો.

પટેલ આધેડ પાસેથી ઠગ ટોળકીએ તા. ર૯/ર/ર૦ર૦ થી તા. ર/૧૧/ર૦ર૦ સુધીના સમયગાળા દરમિયાન રૂપિયા આંગડીયા પેઢી મારફતે મંગાવી છેતરપીંડી કરી હતી. ગોંડલ પોલીસે પટેલ આધેડની આ ફરીયાદ અન્વયે ઠગ ટોળકીના ઉકત ૧૪ શખ્સો સામે આઇ.પી.સી. ૪૦૬, ૪૦ર, ૧ર૦(બી) મુજબ ગુન્હો દાખલ કર્યો હતો. વધુ તપાસ ગોંડલના પી.એસ.આઇ. ધર્મેન્દ્રસિંહ ઝાલા ચલાવી રહ્યા છે.

પોલીસ સુત્રોના જણાવ્યા મુજબ ઠગ ટોળકીમાં દાનીશ પટેલનું નામ અપાયું છે. દાનીશ નામના એક શખ્સને અમદાવાદ ક્રાઇમ બ્રાંચે પકડેલ છે. અમદાવાદમાં પકડાયેલ દાનીશ ગોંડલના ગુન્હામાં સંડોવાયેલ છે. કે કેમ? તે અત્રે ગોંડલ પોલીસે તપાસ હાથ ધરી છે.

(11:52 am IST)
  • કોવિડ મહામારી અને લોકડાઉનથી અર્થતંત્રને ફટકો પડતા તેલંગાણાના મુખ્યમંત્રીએ રાજ્યની મહેસૂલ વધારવા માટે રાજ્ય સરકાર હસ્તકની રૂ .20,000 કરોડની જમીનો વેચવાની પ્રક્રિયા શરૂ કરી છે. વધુ બે રાજ્ય સરકારો પણ નજીકના ભવિષ્યમાં પોતાની લેન્ડ બેંક વેચવાની યોજના બનાવી રહી હોવાનું જાણવા મળે છે. (ન્યૂઝફર્સ્ટ) access_time 11:16 am IST

  • મહારાષ્ટ્રમાં ચોમાસું દસ્તક દઈ ચૂક્યું છે અને માયનાગરી મુંબઈમાં ભારે વરસાદ ચાલુ છે. શુક્રવારે પણ સવારથી જ ભારે વરસાદ પડી રહ્યો છે જેના કારણે ઘણા વિસ્તારો પાણીમાં ગરકાવ થયા છે. લોકોને સલામત સ્થળોએ ખસેડવામાં આવ્યા છે. હવામાન વિભાગની આગાહી મુજબ શુક્રવારે દિવસભર ભારે વરસાદ પડી શકે છે. રેડ એલર્ટ જારી કરવામાં આવી છે. આ પહેલા ગુરુવારે મુંબઈના પરા મલાડ (પશ્ચિમ) માં ચાર માળની ઇમારત ધરાશાયી થતાં 12 લોકોનાં મોત અને સાત ઘાયલ થયા હતા. મૃતકોમાં આઠ બાળકોનો સમાવેશ થાય છે. બીજી ઘટનામાં, ગુરૂવારે સાંજે દહિસર વિસ્તારમાં મકાન ધરાશાયી થતાં એક વ્યક્તિનું મોત નીપજ્યું હતું. access_time 9:31 am IST

  • હવે રાજ્યપાલોની ફેરબદલી અને નિમણૂકોનો દોર આવી રહ્યો છે અડધો ડઝન રાજ્યપાલોની નિમણૂકો માટેનો તખ્તો તૈયાર થઈ ગયાનું જાણવા મળે છે. હાલના એકથી બે ગવર્નરોને અન્ય રાજ્યોમાં ફેરવવામાં આવે તેવી પણ શક્યતા આવો ચર્ચાઈ રહી છે.. access_time 8:58 pm IST