Gujarati News

શાપર-વેરાવળ,તા. ૧૧ : શાપર-વેરાવળમાં છેલ્લા ૧ વર્ષથી અવારનવાર મોબાઈલ ચોરીના બનાવો બનતા જાય છે. ત્યારે ગત રોજ શાપર-વેરાવળ પોલીસને બહુ મોટી સફળતા મળી છે.

જેમાં ૩ મોબાઈલ ચોરી કરતા શખ્સોને પકડી પાડવામાં આવ્યા છે. જેઓ ઇન્ડસ્ટ્રી ઝોનમાં પરપ્રાતીય મજૂરો તેમજ રાહદારીઓને મોડી રાત્રીના ઘરે જતા હોય અને અજાણ્યા ઈસમો દ્વારા મોબાઈલનો આંચકો મારી ઝૂંટવી લેવાના બનાવો બનતા હોય તેમજ થોડા દિવસ પેલા વેરાવળ મેઈન રોડ પર એક ઈસમ મોબાઈલ ફોન માં વાત કરતો હોય જેનો મોબાઈલ અજાણ્યા ૩ ઈસમો એક મોટરસાઇકલ રજીસ્ટેશન નંબર gj-03-Ld-1496 નો ચાલક હોય જે ગમ્ભીરતાને ધ્યાન માં રાખી બનાવ વાલી જગ્યા તેમજ cctv ફૂટેજ તેમજ ગુજરાત સરકારના મહત્વકાંક્ષી ANPR CCTV પ્રોજેકટ મારફતે સદરહુ થયેલા ચીલઝડપ બાબતે તપાસ કરતા ડી. સ્ટાફના માણસોને મળેલ હકીકતના આધારે સદરહુ મોબાઈલનું ચીલ ઝડપ કરનાર ઈસમો હકીકત વાળું મોટરસાયકલ લય વેરાવળ-શાપર રોડમાં આંટાફેરા કરતા મળી આવતા મજકુર આરોપી ની પુછપરછ કરીને મજકુર આરોપીઓ પોતેજ મોબાઈલ ચોરી કરેલ મોબાઈલ નંગ એક કિંમત રૂ. ૧૦.૦૦૦ વાળો તેમજ બીજા ૧૪ મોબાઈલ મળી આવતા CRPC કલમ ૧૦૨ મુજબ કબ્જે કરી આગળ કાર્યવાહી હાથ ધરેલ હતી.

જેમાં પકડાયેલ આરોપી જીગર દિલીપભાઈ રજપૂત જાતે મારવાડી ઉવ. ૧૮ ધંધો મજૂરી રહે વેરાવળ સાક માર્કેટ પાસે bsnl ઓફિસ પાસે ની બાજુમાં મૂળ ગામ સનીવડા.તા. શિરોય. રાજસ્થાન.

તેમજ જીગર પ્રકાશ ભાઈ યાદવ જાતે આહીર ઉવ. ૨૦ ધંધો મજૂરી રહે. વેરાવળ ભૂમિ ઇન્ડસ્ટ્રી એરિયા નોવેલ કારખાનીની ઓરડીમાં મૂળ. ગામ. લલિતપુર. તા. મેરોની. જી. જાંસી.  યુપી

સાગર રામ લાલ શાહ જાતે વાણીયા ઉવ. ૨૧ ધંધો પ્રા.નોકરી. રહે વેરાવળ શિવ નગર સોસાયટી શેરી.નં- ૪ મૂળ ગામ ભોલાપુર તા.સિવાન બીહાર.

આ ત્રણેય શખ્સો પાસે થી એક સ્પ્લેન્ડર મોટરસાઇકલ કી. રૂ. ૪૦૦૦૦/- નું તેમજ મોબાઈલ ટોટલ ૧૫ નંગ અને રોકડ રૂ. ૫૦૦૦/- સહીત ૧, ૬૦,૦૦૦ /-રૂ મુદામાલ કબ્જે કરાયો હતો.

જેમાં શાપર-વેરાવળ ના પોલીસ સબ ઇન્સ્પેકટર કુલદીપસિંહ ગોહિલ તેમજ વી. બી. બરબસીયા. તથા હેડ કોસ્ટેબલ રોહિતભાઈ બકોત્રા તથા માવજીભાઈ ડાંગર. તથા રવુભાઇ ગીડા. તથા રવિરાજસિંહ ઝાલા નરેશભાઈ લિબોલા સહીત નાઓ એ કામગીરી કરેલ હતી.