Gujarati News

Gujarati News

News of Friday, 11th June 2021

જુનાગઢમાં રાત્રે જુના મનદુઃખથી છરી, પાઇપ, સોડા બોટલથી હુમલોઃ ૬ને ઇજા

જુનાગઢ તા.૧૧ : જુનાગઢમાં રાત્રે જુના મનદુઃખથી  ૬ શખ્સોએ છરી-પાઇપ અને સોડા બોટલ વડે હુમલો કરતા પાંચ મહિલા સહિત ૬ વ્યકિતને ઇજા થઇ હતી.

આ બનાવની વિગતો એવી છે કે જુનાગઢમાં ભારત મીલના ઢોરા વિસ્તારમાં રહેતા અમીનાબેન રહેમતખાન પઠાણ (ઉ.૪૦) ના પુત્ર અબ્બાસ સાથે તેનાજ વિસ્તારનો અપ્પુ સરવદી સાથે જુનુ મનદુઃખ હતું.

આ બાબતથી રાત્રે અપ્પુ તેમજ કારીયો ોઢા રફલાનો ભાઇ, મારૂકડો શેખ, રફલો દંતે નવાજ સરવદી અને અમીન બાપુ સૈયદ સહિતના શખ્સો મહિલાના ઘરે ધસી ગયા હતા.હથિયારો સાથે ધસી આવેલા આ શખ્સોએ છરી, પાઇપ તેમજ સોડા બોટલ વડે હુમલો કર્યો હતો.

જેમાં અમીનાબેન તેમજ નજમાબેન, સબાનાબેન, વલીમહમદ, હબીસબેન અને અમીનાબેન સહિત પરિવારના સભ્યોને ગંભીર ઇજા પહોંચી હતી.

હુમલાના બનાવથી ભારત મીલ ઢોરા વિસ્તારમાં સનસની મચી ગઇ હતી. આ અંગે જાણ થતા એ ડીવીઝન પોલીસનો કાફલો દોડી ગયો હતો ઇજાગ્રસ્તોને સારવાર માટે ખસેડયા હતા.

હુમલા અંગે પોલીસે અમીનાબેનની ફરીયાદ લઇ હુમલાખોરો સામે ધોરણસરની કાર્યવાહી કરી હતી વિશેષ તપાસ પી. આઇ. એ.જી.ચૌધરી ચલાવી રહ્યા છે.

(1:16 pm IST)
  • મહારાષ્ટ્ર ના રાજકારણમાં ગરમાવો : ગઈકાલે CM ઠાકરેની PM મોદી સાથેની મુલાકાત બાદ શિવસેના ના સંજય રાઉતે PM મોદી ના ખૂબ વખાણ કર્યા બાદ આજે NCP સુપ્રીમો શરદ પવારે, રાજકારણના વીખ્યાત સ્ટ્રેટેજિસ્ટ પ્રશાંત કિશોરને પોતાના ઘરે લંચ માટે આમંત્રણ આપતા અનેક તર્ક - વિતર્ક પર ચર્ચાઓ શરૂ થઈ ગઈ છે. (ન્યૂઝફર્સ્ટ) access_time 9:55 am IST

  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • RBI મોટો નિર્ણય : એટીએમ ટ્રાન્ઝેક્શન પર ચાર્જ વધાર્યો : એકવાર મફત ટ્રાન્ઝેક્શનની મર્યાદા પૂરી થઈ ગયા પછી, ગ્રાહકોને બીજા દરેક એટીએમ ટ્રાન્ઝેક્શન દીઠ 21 રૂપિયા ચાર્જ લેવામાં આવશે, આ સાથે 01 જાન્યુઆરી 2022 થી આ ચાર્જ પર ટેક્સ પણ વસુલાશે તેમ જાણવા મળે છે. (ન્યૂઝફર્સ્ટ) access_time 8:12 pm IST