Gujarati News

Gujarati News

News of Friday, 11th June 2021

ભુજ મુન્દ્રા વચ્ચે પેટ્રોલપંપ લૂંટાયો- ૪ લૂંટારુઓ ૪૭ હજારની લૂંટ ચલાવી ફરાર : બાબીયા ગામ પાસે આવેલ પેટ્રોલપંપમાં છરીની અણીએ લૂંટ, સતત બીજે દિ' મુન્દ્રા પંથકમાં લૂંટનો બનાવથી ચકચાર

(વિનોદ ગાલા દ્વારા) :  ભુજ) ભુજ મુન્દ્રા વચ્ચે પેટ્રોલ પંપમાં લૂંટ ચલાવાયાની ઘટનાએ ચકચાર સર્જી છે. મુન્દ્રા પોલીસ સ્ટેશનની હદમાં આવેલ બાબીયા ગામ નજીક અક્ષર પેટ્રોલ પંપમાં લૂંટનો આ બનાવ બન્યો હતો

આ અંગે અક્ષર પેટ્રોલ પંપ ના હરિશ્ચન્દ્ર વાઘેલા એ મુન્દ્રા પોલીસ મથક એ ફરિયાદ નોંધાવી છે. 

ભુજ-મુન્દ્રા વચ્ચે આવેલ બાબીયા ગામ નજીક અક્ષર પેટ્રોલ પંપ ઉપર ૪૭ હજારની લૂંટના બનાવે ચકચાર સાથે મુન્દ્રા પંથકમાં ચિંતા સર્જી છે. ફરિયાદ અનુસાર પંપ પાછળના ખુલ્લા મેદાનમાંથી આવેલા ૪ અજાણ્યા લૂંટારૂઓએ પંપ બહાર લોખંડનો થાંભલો તોડી પાડી, સીસી ટીવી કેમેરાના વાયરો તોડી ડેટા રેકોર્ડર લઈ લીધું હતું. આજે મધ્યરાત્રિ ના ૨ થી ૨/૩૦ વાગ્યાના અરસામમાં આ ચાર માંથી એક લૂંટારુએ ઓફિસ માં એન્ટ્રી મારી છરીની અણીએ ૩૯૦૦૦ રોકડા અને ૮૦૦૦ ના  મોબાઇલ સહિત કુલ ૪૭૦૦૦ રૂ.ની લૂંટ ચલાવી હતી. લૂંટ કર્યા બાદ ચારેય શખ્સો નાસી છૂટયા હતા.

મુન્દ્રા પોલીસ મથક ના પીઆઈ શ્રી બારોટના રાઈટર રવજીભાઈ આહિરે જણાવ્યું હતું કે ચાર શખ્સો ગુજરાતી હિન્દી ભાષામાં વાત કરતા હોઈ કોઈ સ્થાનિક ઇસમ ની સંડોવણી હોવાની શક્યતા દર્શાવી હતી.

નોંધપાત્ર બાબત એ છે કે ગઈ કાલે ઝરપરા વિસ્તાર માં એક યાર્ડ માં છરીની ની અણી એ ૭૨૦૦ ની લૂંટ નો બનાવ તાજો છે ત્યાં આજે પેટ્રોલ પંપ પર અજાણ્યા તસ્કરોએ છરીની અણીએ લૂંટ ચલાવતા મુન્દ્રા પંથક માં ખળભળાટ મચી જવા પામ્યો છે.

(5:33 pm IST)