Gujarati News

 કોરોના મહામારીની બીજી લહેર હળવી બની છે પરંતુ લોકડાઉનના નિયંત્રણ વચ્ચે આર્થિક રીતે ભાંગી ગયેલી પ્રજાને ખાદ્યતેલથી લઈ જીવન જરૂરી ચીજવસ્તુઓ અને ખાસ કરીને પેટ્રોલ-ડીઝલના દિવસેને દિવસે વધી રહેલા ભાવ પરેશાન કરી રહ્યા હોય, આજે મોરબી જિલ્લા કોંગ્રેસ દ્વારા પ્રદેશ અધ્યક્ષની સૂચના મુજબ પેટ્રોલ – ડીઝલના ભાવ વધારાનો વિરોધ કરવા કાર્યક્રમ  યોજવમાં આવ્યો હતો. જો કે કોગ્રેસને મંજૂરી ન મળી હતી જો કે, પ્રવર્તમાન કોરોના ગાઇડલાઇનનો લઇ કોંગ્રેસના કાર્યક્રમને વહીવટીતંત્ર દ્વારા મંજૂરી આપવામાં ખાસ્સો એવો સમય વિતાવ્યા બાદ પણ હકારાત્મક સંકેત ન મળતા અંતે ધારાસભ્ય અને જિલ્લા કોંગ્રેસ પ્રમુખ લલિતભાઈ કગથરાએ કાર્યકર્તાઓની ટીમ સાથે કોંગ્રેસ કાર્યાલયથી શનાળા રોડ ઉપર આવેલ છોટાલાલ પેટ્રોલપંપ સુધી રેલી યોજી હતી અને છોટાલાલ પેટ્રોલપંપના પ્રાંગણમાં સરકાર હાય-હાયના નારા લગાવતા પોલીસ કાફલાએ ૧૬ કોંગ્રેસ આગેવાનો કાર્યકર્તા આગેવાનોની અટકાયત કરી હતી.