Gujarati News

જામનગર : બેટી બચાઓ બેટી પઢાઓૅ સપ્તાહ અંતર્ગત મહિલા અને બાળ અધિકારીશ્રીની કચેરી તથા આઈ.સી.ડી.એસ. શાખા, મહાનગર પાલિકા જામનગરનાં સંયુકત ઉપક્રમે ૅદીકરીઓમાં માધ્યમિક શિક્ષણ માટે પ્રોત્સાહનૅ વિષય પર શાળાએ જતી અને શાળા છોડી દીધેલ કિશોરીઓ સાથે કાર્યક્રમનું આયોજન કરેલ હતું. કાર્યક્રમમાં ઉપસ્થિત રહેલ કિશોરીઓને શિક્ષણનું મહત્વ સમજાવેલ તથા શાળા છોડી દીધેલ કિશોરીઓને શાળામાં પુનઃપ્રવેશ મેળવવા માટે પ્રોત્સાહિત કરવામાં આવી હતી. કિશોરીઓને મહિલાલક્ષી યોજનાઓ અને સેવાઓની માહિતી આપી, હાઈજીન કીટનું વિતરણ પણ કરવામાં આવ્યું હતું. આ કાર્યક્રમમાં દહેજ પ્રતિબંધક અધિકારી શ્રી હંસાબેન ટાઢાણી તથા મહિલા અને બાળ અધિકારીની કચેરીના કર્મચારીઓ તથા જામનગર મહાનગર પાલિકાના આઈ.સી.ડી.એસ.શાખાના કર્મચારીઓ તથા કિશોરીઓ હાજર રહ્યા હતા.