Gujarati News

Gujarati News

News of Wednesday, 14th April 2021

જૂનાગઢ જિલ્લામાં માત્ર ૧૩ દિવસમાં જ ૭૪૦ કેસઃ એકનું મોત

કોરોનાના ૨૪ કલાકમાં નવા ૧૧૩ પોઝીટીવ કેસ નોંધાયા

જૂનાગઢ, તા. ૧૪ :. જૂનાગઢ શહેર અને જિલ્લામાં હવે કોરોનાએ રેકોર્ડ સર્જવાનું શરૂ કરી દીધુ છે. છેલ્લા ૨૪ કલાકમાં કોરોનાનાં ૧૧૩ કેસ નોંધાવાની સાથે એક દર્દીનું મોત પણ થતા ફફડાટ વ્યાપી ગયો છે.

નવા ૧૧૩ કેસમાંથી ૬૫ કેસ માત્ર જૂનાગઢ સીટીના છે. જ્યારે જૂનાગઢ ગ્રામ્યમાં ૪, કેશોદ તાલુકામાં ૧૦, ભેસાણ તથા મેંદરડામાં બે-બે કેસ, માળીયા-૬, માણાવદર ૯, વંથલી ૪ અને વિસાવદર તાલુકાના પાંચ કોરોના પોઝીટીવ કેસનો સમાવેશ થાય છે.

માણાવદર તાલુકામાં વધુ ૯ કેસ આવવાની સાથે એક કોરોના દર્દીનું મૃત્યુ પણ થયું હતું. જિલ્લામાં ગઈકાલે ૪૧ દર્દી સ્વસ્થ થતા તેમને ડિસ્ચાર્જ કરવામાં આવ્યા હતા.

જૂનાગઢ જિલ્લામાં ૧લી એપ્રિલથી કોરોના દર્દીનો સતત વધારો થયો છે. તેમાંય તા. ૩ એપ્રિલથી તો ચિંતાજનક વધારો નોંધાયો છે. તા. ૧લી એપ્રિલથી ૧૩ એપ્રિલ સુધીના ૧૩ દિવસમાં જિલ્લામાં કોરોના ઘાતક બન્યો છે. આ ૧૩ દિવસમાં કોરોનાના ૭૪૦ કેસ થઈ ગયા છે.

પોઝીટીવ કેસની સામે ડીસ્ચાર્જ દર્દીઓની સંખ્યા માત્ર ૨૨૯ છે. આમ રિકવરી રેટ ખૂબ જ ઓછો હોવાથી તંત્ર પણ વિમાસણમાં મુકાય ગયું છે.

કોરોના દર્દી ઓછા સ્વસ્થ થતા હોવાથી હોસ્પીટલમાં બેડની સ્થિતિ પણ કફોડી બની ગઈ છે. બીજી તરફ રસીકરણ અભિયાનમાં અત્યાર સુધીમાં ૨,૧૫,૭૫૫ વ્યકિતને કોરોના પ્રતિરોધક રસી મુકવામાં આવી છે.

(12:45 pm IST)
  • CBSE ધો. ૧૨ની પરીક્ષા મોકૂફ : ધો. ૧૦ની પરીક્ષા રદ્દ : વડાપ્રધાન નરેન્દ્રભાઈ મોદીએ યોજેલ કેન્દ્રીય શિક્ષણ પ્રધાન અને શિક્ષણ સચિવ સાથે યોજાયેલ બેઠકમાં કોરોનાની મહામારીને ધ્યાનમાં રાખીને સીબીએસઈ પરીક્ષાઓને લઈને મોટો નિર્ણય કર્યો છે. સીબીએસઈ ધો.૧૨ની પરીક્ષા મોકૂફ અને ધો.૧૦ની પરીક્ષા રદ્દ કરવામાં આવી છે access_time 2:14 pm IST

  • કાલે ઉત્તર પ્રદેશમાં પંચાયત ચૂંટણીનું પ્રથમ તબક્કાનું મતદાન : રાજ્ય ચૂંટણી આયોગના આંકડા મુજબ 18 જિલ્લામાં 51176 પોલિંગ બુથ પર મતદાન : 18 જિલ્લાના 31,64,162 મતદારો સવારે 7 થી સાંજે 6 દરમિયાન પોતાના મતાધિકારનો કરશે ઉપયોગ : અયોધ્યા, આગ્રા, કાનપુર, ગાઝિયાબાદ અને ગોરખપુરમાં થશે મતદાન access_time 12:39 am IST

  • રામાનંદ સાગરની ઐતિહાસિક ટીવી શ્રેણી 'રામાયણ' નું પ્રસારણ સ્ટાર ભારત પર ફરી દરરોજ સાંજે 7 વાગ્યે કરવામાં આવશે તેમ જાણવા મળે છે. access_time 4:58 pm IST