Gujarati News

Gujarati News

News of Friday, 15th January 2021

ગોંડલમાં ઝૂપડપટ્ટીના બાળકોને પતંગ-ફીરકી-ચીકીનું વિતરણ

 ગોંડલ : મકર સંક્રાંતિ ઉતરાયણના પાવન પર્વ પર અન્નદાન અને આનંદ દાનનું અનેરૃં મહત્વ છે. કોઇ માસૂમ અને ગરીબના ચહેરા પરની મુસ્કાનનું કારણ તમે બનો એ ઇશ્વરની સાચી પુજા છે. મારા મિત્ર મુકેશભાઇ સટોડીય યુએસએ ના માતુશ્રી સ્વ. મંજૂલાબેન ભાણજીભાઇ સટોડીયાની સ્મૃતિમાં અને રાજકોટ નિવાસી જયોતિનભાઇ વ્યાસના સ્વ. દિપકભાઇ વ્યાસની સ્મૃતિમાં ગોંડલની વિવિધ ઝૂંપડપટ્ટીના નાના બાળકોને પતંગના પર્વની ખુશીઓ માણવાના શુભ હેતુ થી ૧૦૦ જેટલા બાળકોને પતંગો, ફીરકી, મમરાના લાડુ-શીંગ-તલની ચીકકીની ભેટ મકરસંક્રાંતિની પૂર્વ સંધ્યાએ પ્રકૃતિપ્રેમી હિતેશભાઇ દવે, જતન દવેએ રૂબરૂ જઇને આપવામાં આવી. આ શુભ કાર્યમાં ગોંડલના ભરતભાઇ તલસાનિયા તરફથી શુભેચ્છા ભેટનો ઉમેરો કરવામાં આવેલ. ઉતરાયણની પૂર્વ સંધ્યાએ બાળકોને મનગમતી વસ્તુઓની ભેટ પુરતા પ્રમાણમાં મળતા તેમના ચહેરા ખુશી અને આનંદથી ખીલી ઉઠયા હતાં. જેનો તમામ શ્રેય અને પુણ્ય દાતાઓને જાય છે. (તસ્વીર : ભાવેશ ભોજાણી-ગોંડલ)

(12:23 pm IST)
  • સ્પેનમાં કોરોનાની ત્રીજી લહેર : કોરોનાનો વિસ્ફોટ : છેલ્લા 24 કલાકમાં રેકોર્ડબ્રેક 40 હજારથી વધુ નવા કેસ : બે દિવસમાં 75 હજારથી વધુ કેસ નોંધાયા : access_time 1:09 am IST

  • 23 જાન્યુઆરીએ વડાપ્રધાન શ્રી નરેન્દ્ર મોદી પશ્ચિમ બંગાળની મુલાકાત લેશે : નેતાજી સુભાષચંદ્ર બોઝની 125 જન્મ જયંતી નિમિત્તે આયોજિત કાર્યક્રમમાં ભાગ લેશે access_time 7:14 pm IST

  • કોવિદ -19 કરતા પણ ભાજપ વધુ ખતરનાક છે : હિન્દૂ મુસ્લિમો વચ્ચે દંગા કરાવે છે : જો પશ્ચિમ બંગાળમાં ભાજપનું શાસન આવશે તો મુસલમાનોનું કાઉન્ટ ડાઉન શરૂ : ટી.એમ.સી.સાંસદ નુસરત જહાં access_time 6:36 pm IST