Gujarati News

Gujarati News

News of Friday, 15th January 2021

મોરબીના યુવા ઉદ્યોગપતિ અજયભાઇ લોરીયાએ અયોધ્‍યામાં મંદિરમાં ૨૧ લાખનું દાન અર્પણ કર્યું

 (પ્રવિણ વ્‍યાસ દ્વારા)મોરબી,તા. ૧૫: અયોધ્‍યામાં ભગવાન શ્રી રામનું ભવ્‍ય મંદિર નિર્માણ પામવા જઈ રહ્યું છે. ત્‍યારે સમગ્ર દેશમાં નિધિ સમર્પણ અભિયાન શરૂ કરાયું છે. અને મોરબીમાં પણ ઉદાર હાથે રામ જન્‍મભૂમિ મંદિરમાં ફાળો આપવા અને એકત્રિત કરવાનું અભિયાન શરૂ કરવામાં આવ્‍યું છે.

ત્‍યારે અયોધ્‍યામાં રામજન્‍મભૂમિના નિર્માણ માટે મોરબીના યુવા ઉદ્યોગપતિ અને આગેવાન અજયભાઈ લોરિયાએ ૨૧ લાખ રૂપિયાનું રામ જન્‍મભૂમિ મંદિરમાં દાન અર્પણ કર્યું છે. જેથી મોરબીના રાધે પાર્ટી પ્‍લોટ, લીલાપર કેનાલ રોડ મોરબી ખાતે જયંતીભાઈ કવાડિયા અને સાંસદ વિનોદભાઈ ચાવડાનો અભિવાદન સમારોહ યોજાયો હતો. જેમાં રાજયના પૂર્વ મંત્રી જયંતીભાઈ કવાડિયા પ્રદેશ ઉપપ્રમુખ અને સાંસદ વિનોદભાઈ ચાવડા પ્રદેશ મહામંત્રી, રાજકોટ સાંસદ મોહનભાઈ કુંડારિયા, મોરબી જિલ્લા ભાજપ પ્રમુખ દુલર્ભજીભાઈ દેથરીયા, એપીએમસી ચેરમેન મગનભાઈ વડાવીયાએ યુવા ઉદ્યોગપતિ અજયભાઈ લોરિયાનું સન્‍માન કરાયું હતું. (૨૨.૨૭)

(1:38 pm IST)
  • લેન્ડ ગ્રેબીંગ અંગે આજે સાંજે પ વાગ્યે કલેકટરના અધ્યક્ષપદે બીજી બેઠક મળશેઃ કેસો મંગાવાયા : રાજય સરકારે જમીન માફીયાઓ સામે દાખલ કરેલા લેન્ડ ગ્રેબીંગ કાયદા અંગેની આજે બીજી મહત્વની બેઠક કલેકટરના અધ્યક્ષપદે સાંજે પ વાગ્યે કલેકટર કચેરીમાં મળશે. જેમાં સીપી-ડીસીપી-એસપી-પ્રાંત-મ્યુ. કમિશ્નર-ડીડીઓ-રૂડા તથા અન્ય કુલ ૧૮ અધિકારીઓ હાજર રહેશેઃ સંખ્યાબંધ કેસો હોવાની શકયતાઃ સીટી પ્રાંત-ર દ્વારા પણ ૧ કેસ. આજે કેસોની સમીક્ષા બાદ કેસો દાખલ કરવા અંગે નિર્ણય. access_time 4:26 pm IST

  • પૂણે-બેંગલોર હાઇવે પર ગોવા જઈ રહેલા પર્યટકોની મિનિ બસને ગમખ્વાર અકસ્માત : 11 લોકોના મોત: ગોવા જઈ રહેલા પર્યટકોની બસનો નડ્યો ગમખ્વાર અકસ્માત access_time 11:52 am IST

  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST