Gujarati News

 (મનસુખ બાલધા દ્વારા) જામડડોરણાઃ તા.૧૪, શ્રી રામ મંદિર ગરબી મંડળ દ્વારા પ૪ વર્ષથી પરંપરાગત રીતે પ્રાચીન બાળાઓના રાસ ગરબાનું આયોજન થાયછે અત્યારના સમયમાં પણ આ ગરબીએ ભારતીય સંસ્કૃતિની પરંપરા જાળવી રાખી છે બાળાઓ રાસ ગરબા લઈ આધ્યાત્મિક વાતાવરણ સર્જી રહી છે. ગરબીના સંચાલકો આ ગરબીને વડીલોનો વારસો ગણાવી રહયા છે જે ભકિત સ્વરૂપે આગામી વર્ષોમાં પોતાના સંતાનોને પણ આપશે. તેવો હર્ષે વ્યકત કરી રહયા છે આ ગરબીમાં માતાજીના આઠમાં નોરતે મા નવદુર્ગાનો આબેહુબ વેશભૃષા સાથે સુંદર મજાનો રાસ બાળાઓએ રજુ કર્યો હતો. આ રાસ નિહાળવા જામકડોરણા શહેરના મોટી સંખ્યામાં ભાઈઓ બહેનોએ હાજર રહી આ રાસ નિહાળવાનો લહાવો લીધો હતો. આ ગરબીની જામકડોરણા શહેરમાં મોટામાં મોટી ગરબીની ગણના થાયછે લોકોના સાથ,સહકાર અને હુંફથી તેમજ સંચાલકોની મહેનતથી અને લાગણીથી આ આજના આધુનિક યુગમાં પણ આ ગરબીએ. તેમની પ્રાચીન પરંપરા જાળવી રાખી છે.