Gujarati News

Gujarati News

News of Sunday, 16th May 2021

'તોક્તે' વાવાઝોડા પૂર્વે કચ્છના દરિયામાં બીએસએફ સતર્ક- પેટ્રોલિંગ સાથે માછીમારોને દરિયો ન ખેડવા આપી સૂચના : વહીવટીતંત્ર, કોસ્ટગાર્ડ, બીએસએફ રાખી રહ્યા છે પરિસ્થિતિ ઉપર નજર

(વિનોદ ગાલા દ્વારા ભુજ) અરબી સમુદ્રમાં ઉદ્દભવેલ વાવાઝોડું આગામી ૨૪ થી ૩૬ કલાક દરમ્યાન સૌરાષ્ટ્ર કચ્છની દરિયાઈ સીમામાં પ્રવેશે એવી હવામાન વિભાગની ચેતવણી છે. તે દરમ્યાન કચ્છના દરિયાઈ તેમ જ ક્રીક વિસ્તારમાં બીએસએફ દ્વારા સતર્કતા સાથે પેટ્રોલિંગ શરૂ કરાયું છે. સ્પીડ બોટ અને હોવરક્રાફ્ટ સાથે બીએસએફ દ્વારા કોઈ પણ માછીમારી બોટ દરિયામાં રહે નહીં એવી તકેદારી સાથે પેટ્રોલિંગ કરાઈ રહ્યું છે. સાથે સાથે માછીમારોને હાલના તબક્કે દરિયામાં ન જવા સમજાવાઈ રહ્યા છે. કચ્છમાં વહીવટીતંત્ર, કોસ્ટગાર્ડ અને બીએસએફ સતર્ક બની વાવાઝોડાની પરિસ્થિતિ ઉપર નજર રાખી રહ્યા છે.

(11:38 am IST)
  • રાત્રે અરબી સમુદ્રમાં તૌકતે વાવાઝોડું પંજીમ-ગોવાથી: 220 ,મુંબઈથી 590 અને વેરાવળથી 820 કિમી દૂર છે : અરબી સમુદ્રમાં તૌકતે વાવાઝોડું વધુ મજબૂત બનવાની સાથે સાયકલોનીક સ્ટોર્મ હવે સીવીયર સાયકલોનીક સ્ટોર્મમાં બદલાયું, 13 કિમિની ઝડપથી દરિયામાં આગળ વધી રહ્યું છે તૌકતે, હાલ વાવાઝોડું પંજીમ-ગોવાથી 220, મુંબઈથી 590 અને વેરાવળથી 820 કિમી દૂર છે. access_time 12:26 am IST

  • જામનગર, અમદાવાદ, રાજકોટ અને સુરેન્દ્રનગર જિલ્લામાં આવતીકાલે સોમવારે ૧૭ મેના સવારથી પવન ફૂંકાવા લાગશે અને આવતીકાલે સાંજથી વરસાદ શરૂ થઈ જશે: સૌથી ખરાબ સમય ૧૭મી આવતીકાલે સાંજથી અને મંગળવાર ૧૮મી ની રાત સુધીનો રહેશે: મોટાભાગે ૧૮મી મેના રોજ સવારથી ભારે વરસાદ અને તોફાની પવન ફૂંકાશે access_time 5:42 pm IST

  • અમદાવાદમાં સીબીઆઈનો સપાટો: સેન્ટ્રલ ડ્ગ્સ સ્ટાન્ડર્ડ કંટ્રોલનાં બે મેડિકલ ઓફિસર પરાગ ગૌતમ અને આર.મોહન સાડા ત્રણ લાખની લાંચ લેતા ઝડપાયા: ઘરે દરોડા પાડી રપ લાખની રોકડ કબજે લીધી : સીડીએસસીઓ કચેરીનાં બે અધિકારી સીબીઆઈની ઝપટે ચડયા છે. એક ફાર્માસ્યુટિકલ કંપની પાસે લાંચ માગી હતી. બંને અધિકારીઓને ત્યાં સીબીઆઇએ દરોડા પાડી વધુ રૂ.૨પ લાખની રોકડ રકમ જપ્ત કરી છે. પરાગ ગૌતમ અને આર.મોહનની ધરપકડ પણ થઈ હોવાનું મંતવ્ય ચેનલ નોંધે છે. બંને સામે ગાંધીનગર ગુનો નોંધાયો છે. એક અધિકારીને ત્યાંથી ૧૪ લાખની રોકડ અને બીજા અધિકારીનાં ઘરેથી ૧૧ લાખની રોકડ રકમ મળી આવી છે. access_time 4:59 pm IST