Gujarati News

(ભીખુભાઇ વોરા દ્વારા) વડિયા તા. ૧૬ : ચોમાસુ આવતા જ ખેડૂતો મગફળીના વાવેતર માટે બિયારણની શોધમાં હોય છે ત્‍યારે વડિયા કુંકાવાવ તાલુકા પંચાયતના ખેતીવાડી શાખા દ્વારા કુંકાવાવ વડિયા તાલુકાના ખેડૂતો માટે મગફળીના બિયારણની ૨૨ નંબરની જાત, ખાતર અને દવામા ૫૦% સબસીડી આપવાની યોજના અમલમા છે. ત્‍યારે વહેલા તે પહેલાના ધોરણે બ્‍લોકની ફાળવણી કરવાની હોવાથી સમગ્ર તાલુકાના જે ખેડૂતો આ યોજનાનો લાભ લેવા માંગતા હોય તે વડિયા કુંકાવાવ તાલુકાના ગ્રામ સેવક અને વિસ્‍તરણ અધિકારી ખેતીનો સંપર્ક કરવા જણાવાયું છે. આ માટેની માહિતી માટે તાલુકા પંચાયતના વિસ્‍તરણ અધિકારીના મોબાઈલ નંબરﾠ ૯૯૭૪૨ ૧૨૫૦૯ ઉપર સંપર્ક કરવા જણાવાયું છે.