Gujarati News

Gujarati News

News of Wednesday, 16th September 2020

ગોંડલ સરકારી દવાખાને ૫૫ બેડની સુવિધા સાથે કોવિડ હોસ્પિટલનો પ્રારંભ

(જીતેન્દ્ર આચાર્ય દ્વારા) ગોંડલ તા. ૧૬ : ગોંડલ શહેર પંથકમાં દિવસેને દિવસે કોરોનાનો કહેર વકરી રહ્યો હોય કોરોના પોઝિટિવ દર્દીઓની સંખ્યા નો આંકડો હજારને પાર થઈ જતા લોકોમાં ચિંતાનું મોજું ફરી વળ્યું છે ત્યારે આરોગ્ય વિભાગ દ્વારા માત્ર ચાર દિવસના ટૂંકા સમયમાં જ અત્રેની સરકારી હોસ્પિટલ ખાતે ૫૫ બેડની સુવિધા સાથે કોવિડ હોસ્પિટલ કાર્યરત કરવામાં આવતા દર્દીઓમાં રાહતની લાગણી અનુભવાઈ છે.

ગોંડલ સરકારી દવાખાને ૫૫ બેડ સાથેની કોવિડ હોસ્પિટલ નું લોકાર્પણ પૂર્વ ધારાસભ્ય જયરાજસિંહ જાડેજાના હસ્તે કરવામાં આવ્યું હતું. આ તકે માર્કેટીંગ યાર્ડના ચેરમેન ગોપાલભાઈ શિંગાળા નગરપાલિકા પ્રમુખ અશોકભાઇ પીપળીયા સહિતનાઓ હાજર રહ્યા હતા. ચાર દિવસ પહેલાં જ આરોગ્ય સચિવ જયંતિ રવિ દ્વારા ગોંડલની મુલાકાત લેવામાં આવી હતી અને તાકીદે કોવિડ હોસ્પિટલ શરૂ કરવા સૂચના આપવામાં આવી હોય આર.ડીડી રૂપાલીબેન મહેતા અને ગોંડલ હોસ્પિટલ અધિક્ષક ડોકટર વાણવી એ જહેમત ઉઠાવી ૫૫ બેડની સેન્ટ્રલ ઓકિસજન પાઇપ સાથેની હોસ્પિટલ કાર્યરત કરી છે.

આ ઉપરાંત અધિક્ષક ડોકટર વાણવીએ જણાવ્યું હતું કે રાજકોટ જિલ્લા કલેકટર દ્વારા ગોંડલ ખાનગી હોસ્પિટલના તબીબોને રોજિંદા ક્રમશઃ વિઝીટની સૂચના આપવામાં આવી છે.

આ ઉપરાંત કોવિડ હોસ્પિટલ માં એમબીબીએસ ડોકટર અને આયુર્વેદિક તબીબ આઠ આઠ કલાકના રોટેશબ પ્રમાણે ૨૪ કલાક ફરજ પર હાજર રહેશે.(તસ્વીર : ભાવેશ ભોજાણી)

(11:19 am IST)
  • હવે રાજધાની દિલ્હીના રેલવે સ્ટેશનનું ખાનગીકરણ : 20 કંપનીઓ સ્પર્ધામાં : અદાણી પણ શામેલ : આ અગાઉ અમદાવાદ સહિતના પાંચ એરપોર્ટનું સંચાલન સંભાળી લીધા પછી હવે રેલવે સ્ટેશન પણ સંભાળી લેવાની તૈયારીમાં અદાણી ગ્રુપ access_time 8:27 pm IST

  • " બંધ કરો મતદાન , બીક જાતે હૈ શ્રીમાન " : કોંગ્રેસ છોડી ભાજપમાં જોડાયેલા જ્યોતિરાદિત્ય સિંધિયાને માફ કરવાના મૂડમાં પ્રજા નથી : મધ્ય પ્રદેશમાં યોજાનારી 28 બેઠકોની પેટા ચૂંટણીના પ્રચારમાં નીકળેલા જ્યોતિરાદિત્ય સિંધીયાનો કાળા વાવટા દર્શાવી વિરોધ : ચીફ મિનિસ્ટર શિવરાજ સિંહ તથા ફાયર બ્રાન્ડ બીજેપી આગેવાન ઉમા ભારતી વિરુદ્ધ પણ સૂત્રોચ્ચારનો વિડિઓ વાઇરલ : સત્તા જાળવી રાખવા ભાજપ માટે 9 સીટ ઉપર વિજય મેળવવો મુશ્કેલ બની રહ્યો હોવાના એંધાણ access_time 8:56 pm IST

  • રાજસ્થાનમાં ફરી રાજકીય તણાવના એંધાણ : ગેહલોતના મંત્રી વિરુદ્ધ ધારાસભ્યે ખોલ્યો મોરચો : ગજેન્દ્રસિંહ શેખાવતે કહ્યું હવે શરૂ થશે નકારાનિકમ્મા પાર્ટ-2: ખાણ વિભાગના મંત્રી પ્રમોદ જૈન ભાયાનું નામ લીધા વિના ધારાસભ્ય ભરતસિંહે લખેલ પત્રમાં કહેવાયું કે મુખ્યમંત્રીએ રાજ્યના પ્રભારી મંત્રીઓને બદલી નાખ્યા પરન્તુ સૌથી ભ્રષ્ટ મંત્રીને હજુ સુધી બરખાસ્ત કર્યા નથી access_time 8:58 am IST