Gujarati News

Gujarati News

News of Wednesday, 16th September 2020

લોઠડામાં ફેકટરીમાં સાફ સફાઇ કરતી વખતે મશીન ચાલુ થઇ ગયું, પટ્ટામાં ફસાઇ જતાં મજૂર પ્રેમનું મોત

મુળ મધ્યપ્રદેશનો ૧૮ વર્ષનો યુવાન સુપર એન્જિનિયરીંગ ટેકમાં કામ કરતો હતો

રાજકોટ તા. ૧૫: સરધાર તાબેના લોઠડા ગામમાં આવેલી સુપર એન્જિનીયરીંગ ટેક પ્રા.લિ.માં સાફસફાઇનું કામ કરતો મુળ મધ્યપ્રદેશનો યુવાન પ્રેમ છગનભાઇ શીંગાર (ઉ.વ.૧૮) સફાઇ કરતી વખતે મશીન ચાલુ થઇ જતાં તેના પટ્ટામાં ફસાઇ જતાં તેનું મોત નિપજ્યું હતું.

પ્રાપ્ત માહિતી મુજબ લોઠડા ગામે  છગનભાઇ જીવાભાઇની વાડીમાં રહેતો પ્રેમ મુળ મધ્યપ્રદેશનો વતની હતો. અહિ તેના ભાઇ સાથે રહેતો હતો અને પડવલા રોડ પર આવેલી સુપર એન્જિનીયરીંગ ટેકમાં સાફસફાઇનું કામ કરવા જતો હતો. ગઇકાલે કંપનીમાં મશીનની સફાઇ કરતો હતો ત્યારે અકસ્માતે મશીન ચાલુ થઇ જતાં પટ્ટામાં તેનો હાથ ફસાઇ જતાં તે ખેંચાઇ ગયો હતો અને શરીરે મુંઢ ઇજાઓ થતાં બેભાન થઇ ગયો હતો.

તેને સારવાર માટે તાકીેદે સિવિલ હોસ્પિટલમાં ખસેડાયો હતો. પરંતુ અહિ મોત નિપજ્યું હતું. હોસ્પિટલ ચોકીના હેડકોન્સ. રણછોડભાઇએ જાણ કરતાં આજીડેમના હેડકોન્સ. સવજીભાઇ બાલાસરા અને હરપાલભાઇ સોલંકીએ જરૂરી કાર્યવાહી કરી હતી. બનાવથી મજૂર પરિવારમાં શોક છવાઇ ગયો હતો.

(11:26 am IST)
  • પાકિસ્તાનની સંસદે ભારતીય નાગરિક કુલભૂષણ જાધવને લગતા વટહુકમની મુદત ચાર મહિના સુધી વધારી દીધી છે. વટહુકમથી જાધવને તેમની સજા સામે ઉપલી કોર્ટમાં અપીલ દાખલ કરવાની મંજૂરી આપવામાં આવી છે. access_time 10:59 pm IST

  • રાજસ્થાનમાં ફરી રાજકીય તણાવના એંધાણ : ગેહલોતના મંત્રી વિરુદ્ધ ધારાસભ્યે ખોલ્યો મોરચો : ગજેન્દ્રસિંહ શેખાવતે કહ્યું હવે શરૂ થશે નકારાનિકમ્મા પાર્ટ-2: ખાણ વિભાગના મંત્રી પ્રમોદ જૈન ભાયાનું નામ લીધા વિના ધારાસભ્ય ભરતસિંહે લખેલ પત્રમાં કહેવાયું કે મુખ્યમંત્રીએ રાજ્યના પ્રભારી મંત્રીઓને બદલી નાખ્યા પરન્તુ સૌથી ભ્રષ્ટ મંત્રીને હજુ સુધી બરખાસ્ત કર્યા નથી access_time 8:58 am IST

  • " બંધ કરો મતદાન , બીક જાતે હૈ શ્રીમાન " : કોંગ્રેસ છોડી ભાજપમાં જોડાયેલા જ્યોતિરાદિત્ય સિંધિયાને માફ કરવાના મૂડમાં પ્રજા નથી : મધ્ય પ્રદેશમાં યોજાનારી 28 બેઠકોની પેટા ચૂંટણીના પ્રચારમાં નીકળેલા જ્યોતિરાદિત્ય સિંધીયાનો કાળા વાવટા દર્શાવી વિરોધ : ચીફ મિનિસ્ટર શિવરાજ સિંહ તથા ફાયર બ્રાન્ડ બીજેપી આગેવાન ઉમા ભારતી વિરુદ્ધ પણ સૂત્રોચ્ચારનો વિડિઓ વાઇરલ : સત્તા જાળવી રાખવા ભાજપ માટે 9 સીટ ઉપર વિજય મેળવવો મુશ્કેલ બની રહ્યો હોવાના એંધાણ access_time 8:56 pm IST