Gujarati News

Gujarati News

News of Wednesday, 16th September 2020

સમસ્ત હાલાર લોહાણા સમાજ દ્વારા કોરોના મહામારી સામે જનજાગૃતિ અભિયાન અંગે યોજાઇ ટેલીફોન ચીંતન બેઠક

સંયોજક જીતુભાઇ લાલ અને સહ સંયોજક મોટાભાઇ દ્વારા અપાયુ માર્ગદર્શન જન જાગૃતિ અભિયાન પત્રિકા અને નાસ મશીન વેચાણ અંગે નિર્ણય કરાયો

(મુકુંદ બદિયાણી દ્વારા) જામનગર તા. ૧૬ :.. સમસ્ત હાલાર લોહાણા સમાજના સંયોજક જીતુભાઇ લાલ અને સહ સંયોજક દ્વારકાદાસભાઇ રાયચુરા (મોટાભાઇ)ના માર્ગદર્શન હેઠળ સમસ્ત હાલાર લોહાણા સમાજમાં કોરોના મહામારી સામે જન જાગૃતિ અભિયાન અંગેની એક ટેલીફોનીક મીટીંગ ગઇકાલે લોહાણા મહાજન જામનગરના મંત્રી રમેશભાઇ દતાણીની ઓફીસ ખાતે મળી હતી જેમાં જામનગર જિલ્લો અને દેવભૂમિ દ્વારકા જિલ્લાના સમાજના વડીલો, આગેવાનો, ડોકટરો, પ્રમુખોના અભિપ્રાયો લેવામાં આવ્યા હતાં.

આ ટેલીફોનીક મીટીંગમાં બારાડી લોહાણા મહાજનના મંત્રી નિલેશભાઇ કાનાણી, જામનગરના રઘુવંશી અગ્રણી ગીરીશભાઇ ગણાત્રા, સેવાભાવી અજયભાઇ કોટેચા, આરોગ્ય વિભાગના નાથુભાઇ મોદી વિગેરેએ સાથે મળી અને બન્ને જિલ્લાના સમાજના આગેવાનોના સૂચનો, અભિપ્રયા મેળવી અને હાલના કોરોના મહામારી સમયમાં સમાજમાં કઇ રીતે જાગૃતતા આવે સેવા પ્રયત્નો કરવા જોઇએ તે અંગેની ચર્ચાઓ થઇ હતી. અને કોરોનાથી બચવા અન્ય  ઘટતા પગલા સમાજ લેવલે લઇ શકાય તે બાબતે ચિંતન મંથન કરવામાં આવ્યુ હતું. અને ગામો ગામ પત્રીકા-મશીન આપવામાં આવશે.

 આ માટે એક કોરોના મહામારી સામે જન જાગૃતિ અભિયાનની એક પત્રિકા સમસ્ત હાલાર લોહાણા સમાજના નામથી બહાર પાડવા માટે નિર્ણય કરાયો અને નાસ મશીનનુ વિતરણ પડતર કિંમતે થાય તેવુ  નકકી કરવામાં આવ્યા છે.

(12:52 pm IST)
  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST

  • પાકિસ્તાનની સંસદે ભારતીય નાગરિક કુલભૂષણ જાધવને લગતા વટહુકમની મુદત ચાર મહિના સુધી વધારી દીધી છે. વટહુકમથી જાધવને તેમની સજા સામે ઉપલી કોર્ટમાં અપીલ દાખલ કરવાની મંજૂરી આપવામાં આવી છે. access_time 10:59 pm IST

  • અરુણાચલ પ્રદેશના મુખ્યમંત્રી પ્રેમા ખાંડુનો કોરોના રિપોર્ટ પોઝિટિવ : ગઈકાલે રક્ષામંત્રી રાજનાથ સિંહ સાથે મુલાકાત થઇ હતી : ટ્વીટર ઉપર જાણ કરી access_time 8:44 pm IST